കൊല്ലം: പ്രഭാത സവാരിക്കിറങ്ങിയ വീട്ടമ്മ വാഹനമിടിച്ച് മരിച്ചു. മുരിക്കുമണ്ണിൽ ഐരക്കുഴി പ്ളാച്ചിറവട്ടത്ത് വീട്ടിൽ ഷൈല ബീവിയാണ് (51) മരിച്ചത്. റോഡ് മുറിച്ചു കടക്കുന്നതിനിടെ കാറിടിച്ച് റോഡിൽ വീണ ഷൈലയുടെ ശരീരത്തിലൂടെ ലോറി കയറിയിറങ്ങുകയായിരുന്നു. യുവതി സംഭവ സ്‌ഥലത്ത്‌ വെച്ചുതന്നെ മരിച്ചു.
ഇന്ന് രാവിലെ ആറുമണിയോടെയാണ് അപകടം. തിരുവനന്തപുരം ഭാഗത്ത് നിന്ന് ചടയമംഗലത്തേക്ക് വരികയായിരുന്ന കാറാണ് ഇടിച്ചത്. ലോറി തിരുവനന്തപുരം ഭാഗത്തേക്ക് പോവുകയായിരുന്നു. യുവതിയെ ഇടിച്ച ലോറി നിർത്താതെ പോയിരുന്നു. അപകടത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. സ്‌ഥിരമായി അപകടമുണ്ടാകുന്ന മേഖലയാണിതെന്ന് പ്രദേശവാസികൾ പറയുന്നു.
Most Read| കാൻസർ പ്രതിരോധ വാക്‌സിൻ വികസിപ്പിച്ച് റഷ്യ; ഉടൻ വിപണിയിൽ
