ന്യൂഡെൽഹി: പൊതു ആസ്‌തി വിറ്റ് മൂലധനമുണ്ടാക്കാനുള്ള പദ്ധതിയുടെ ഭാഗമായി ഡെൽഹിയിലെ ഐതിഹാസികമായ അശോക് ഹോട്ടൽ സ്വകാര്യ മേഖലയ്‌ക്ക് കൈമാറാൻ ഒരുങ്ങുകയാണ് കേന്ദ്രം. 60 വർഷത്തെ കരാറിനാണ് ഹോട്ടൽ സ്വകാര്യ മേഖലയ്‌ക്ക് കൈമാറുക. ഹോട്ടലിന്‌ ചുറ്റുമുള്ള എട്ട്‌ ഏക്കറോളം ഭൂമി രണ്ട്‌ ഭാഗമാക്കി 90 വർഷത്തേക്കാണ് കരാർ നിശ്‌ചയിച്ചിരിക്കുന്നത്.
ജമ്മു കശ്‌മീർ രാജകുടുംബം 1956ൽ കൈമാറിയ 25 ഏക്കർ ഭൂമിയിലാണ്‌ കേന്ദ്രസർക്കാർ ഹോട്ടൽ നിർമിച്ചത്‌. 500ഓളം റൂമുകളുള്ള ഹോട്ടൽ ലോകപ്രശസ്‌തമാണെങ്കിലും ഡെൽഹിയിലെ മറ്റ് പഞ്ചനക്ഷത്ര ഹോട്ടലുകളുമായി താരതമ്യം ചെയ്യുമ്പോൾ അതിന്റെ അവസ്‌ഥ മോശമായതിനാലാണ് കരാർ അടിസ്‌ഥാനത്തിൽ വിൽക്കാൻ സർക്കാർ തീരുമാനിച്ചത്.
ഹോട്ടലിലെ ജീർണിച്ച പരവതാനികളും ഫർണിച്ചറുകളും മാറ്റുന്നതിനും മറ്റ് നവീകരണങ്ങൾക്കുമായി 500ഓളം കോടിയുടെ ചെലവുണ്ട്. ഈ കാരണം കൂടി പരിഗണിച്ചാണ് കേന്ദ്രത്തിന്റെ പുതിയ പദ്ധതി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
