തെലങ്കാന: ഭർതൃപീഡനത്തെ തുടർന്ന് യുവതി ജീവനൊടുക്കി. തന്റെ രണ്ട് മക്കളെ കൊലപ്പെടുത്തിയ ശേഷം യുവതി തൂങ്ങി മരിക്കുകയായിരുന്നെന്ന് പോലീസ് അറിയിച്ചു. 35കാരിയായ യുവതിയാണ് മകനെയും മകളെയും കൊലപ്പെടുത്തിയ ശേഷം തൂങ്ങിമരിച്ചത്.
രംഗ റെഡ്ഡി ജില്ലയിലെ രാജേന്ദ്രനഗറിൽ ശനിയാഴ്ചയാണ് സംഭവം നടന്നത്. പ്രാഥമിക അന്വേഷണത്തിൽ യുവതിയുടെ ഭർത്താവ് സായികുമാർ ഇവരെയും കുട്ടികളെയും പീഡിപ്പിക്കാറുണ്ടെന്ന് കണ്ടെത്തിയതായി രാജേന്ദ്രനഗർ പോലീസ് ഇൻസ്പെക്ടർ കെ കനകയ്യ പറഞ്ഞു.
സംഭവത്തിൽ ഭർത്താവിനെതിരെ സെക്ഷൻ 302, 498 എ, 306 പ്രകാരം കേസെടുത്തിട്ടുണ്ട്. ഇയാൾ ഒളിവിലാണെന്നും ഉടൻ പിടിയിലാവുമെന്നും പോലീസ് അറിയിച്ചു.
ഒരു സോഫ്റ്റ്വെയർ കമ്പനിയിലെ ജീവനക്കാരനാണ് സായികുമാർ. 2016ലാണ് ഇരുവരും വിവാഹിതരായത്.
Most Read: ഇഡിയുടെ കണ്ടെത്തലുകൾ വസ്തുതാവിരുദ്ധം; പകപോക്കൽ രാഷ്ട്രീയമെന്ന് പോപ്പുലർ ഫ്രണ്ട്