മലപ്പുറം: മഅ്ദിന്‍ പബ്‌ളിക്‌ സ്‌കൂള്‍ എസ്‌പിസി യൂണിറ്റിന്റെ കീഴില്‍ സ്‌റ്റുഡന്റ്‌സ് പോലീസ് കേഡറ്റ് ദിനാചരണം നടത്തി. മലപ്പുറം സബ് ഇൻസ്‌പെക്‌ടർ അമീറലി പതാക ഉയര്‍ത്തി. ദിനാചരണത്തിന്റെ ഭാഗമായ ‘ഓര്‍മ മരം‘ പദ്ധതിക്ക് വൃക്ഷത്തൈ നടലിനും അദ്ദേഹം നേതൃത്വം നല്‍കി.
88 സ്‌റ്റുഡന്റ്‌സ് പോലീസ് കേഡറ്റുകള്‍ അവരുടെ വീടുകളില്‍ വൃക്ഷത്തൈകള്‍ നട്ടു കൊണ്ട് പദ്ധതിയുടെ ഭാഗമായി. ചിത്ര രചന, ഉപന്യാസ മൽസരം, ക്വിസ് മൽസരം എന്നിവ സംഘടിപ്പിച്ചു. പരിപാടിക്ക് മലപ്പുറം സ്‌റ്റേഷനിലെ സിവില്‍ പോലീസ് ഓഫീസര്‍ വിനോദ്, മഅ്ദിന്‍ അക്കാദമിക് ഡയറക്‌ടർ നൗഫല്‍ കോഡൂര്‍, സ്‌കൂള്‍ പ്രിന്‍സിപ്പൾ സൈതലവി കോയ, മാനേജര്‍ അബ്‌ദുറഹിമാന്‍ ചെമ്മങ്കടവ്, സിപിഒ നിയാസ്, എസിപിഒ ഷേര്‍ഷ എന്നിവര്‍ പ്രസംഗിച്ചു.
Most Read: ലാവ്‌ലിൻ കേസ്; ഓഗസ്‌റ്റ് 10ന് സുപ്രീം കോടതി പരിഗണിക്കും
