തിരുവനന്തപുരം: മധ്യ ബംഗാള് ഉള്ക്കടല്, തെക്ക് ആന്ഡമാന് കടല് എന്നീ സമുദ്ര ഭാഗങ്ങളില് ഇന്നും നാളെയും (സെപ്റ്റംബര് 10, 11) മണിക്കൂറില് 40 മുതല് 50 കിമീ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ചില അവസരങ്ങളില് 60 കിമീ വരെ വേഗതയിലും കാറ്റ് വീശിയടിച്ചേക്കാമെന്ന് അധികൃതർ അറിയിച്ചു.
ഇന്നുമുതൽ സെപ്റ്റംബര് 14 വരെ തെക്ക്- പടിഞ്ഞാറന്, മധ്യ- പടിഞ്ഞാറന് അറബിക്കടലില് മണിക്കൂറില് 40 മുതല് 50 കിമീ വരെ വേഗതയിലും ചില അവസരങ്ങളില് 60 കിമീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ട്.
കൂടാതെ വടക്കൻ ബംഗാള് ഉള്ക്കടല്, മധ്യ ബംഗാള് ഉള്ക്കടല്, ഒഡീഷ- വെസ്റ്റ് ബംഗാള് തീരം, വടക്കന് ആന്ഡമാന് എന്നീ സമുദ്ര ഭാഗങ്ങളില് സെപ്റ്റംബര് 12നും 14നും ശക്തമായ കാറ്റ് വീശിയടിച്ചേക്കുമെന്ന് അറിയിപ്പിൽ പറയുന്നു. മണിക്കൂറില് 40 മുതല് 50 കിമീ വരെ വേഗതയിലും ചില അവസരങ്ങളില് 60 കിമീ വരെ വേഗതയിലും വീശിയടിച്ചേക്കാവുന്ന കാറ്റിനാണ് സാധ്യത.
മുന്നറിയിപ്പിന്റെ പശ്ചാത്തലത്തിൽ ഈ ദിവസങ്ങളില് മൽസ്യ തൊഴിലാളികള് മേൽപ്പറഞ്ഞ പ്രദേശങ്ങളില് മൽസ്യ ബന്ധനത്തിന് പോകരുതെന്ന് കളക്ടർ ഡോ. നവ്ജ്യോത് ഖോസ അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
