ന്യൂയോർക്ക്: കോസ്റ്ററിക്കയോട് രണ്ടു ഗോളിന് തോറ്റിട്ടും അമേരിക്ക ഖത്തർ ലോകകപ്പിന് യോഗ്യത നേടി. നോർത്ത് അമേരിക്കൻ മേഖലയിൽ നിന്നുള്ള മൂന്നാമത്തെ ടീം ആയിട്ടാണവർ ഖത്തറിൽ എത്തുക. കോൺകാഫ് മേഖലയിൽ ആദ്യം യോഗ്യത നേടിയ കാനഡക്ക് പിന്നിൽ മെക്സിക്കോയും അർഹത നേടി.
നാലാം സ്ഥാനക്കാരായ കോസ്റ്ററിക്കക്ക് ഇനി ഇന്റർ കൊണ്ടിനന്റൽ പ്ളേ ഓഫിൽ ഓഷ്യാന ഗ്രൂപ്പ് വിജയികളായ ന്യൂസിലണ്ടിനെ നേരിടേണ്ടതുണ്ട്. ജൂൺ 14നു ഖത്തറിൽ വച്ചാണ് ഈ മൽസരം നടക്കുന്നത്. ഇതോടെ ആകെ 29 ടീമുകൾ ലോകകപ്പ് യോഗ്യത നേടിയിട്ടുണ്ട്.
യുഎഇ/ഓസ്ട്രേലിയ മൽസര വിജയികളും ദക്ഷിണ അമേരിക്ക മേഖലയിലെ അഞ്ചാം സ്ഥാനക്കാരായ പെറുവും തമ്മിലാണ് മറ്റൊരു പ്ളേ ഓഫ് മൽസരം. ആകെ 32 ടീമുകളാണ് ഖത്തറിൽ നടക്കുന്ന ലോകകപ്പിൽ പങ്കെടുക്കുക. അന്തിമ ചിത്രം തെളിയാൻ ഇനി ബാക്കിയുള്ള മൂന്ന് ടീമുകൾ ഏതൊക്കെയാണെന്ന് മാത്രമേ അറിയേണ്ടതുള്ളൂ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
