തിരുവനന്തപുരം: ശക്‌തമായ മഴ തുടരുന്ന സാഹചര്യത്തിൽ എറണാകുളം, തൃശൂർ, കോട്ടയം, ഇടുക്കി, വയനാട് ജില്ലകളിലെയും മലപ്പുറം നിലമ്പൂർ താലൂക്കിലെയും വിദ്യാഭ്യാസ സ്‌ഥാപനങ്ങൾക്ക്‌ വെള്ളിയാഴ്‌ച അവധി പ്രഖ്യാപിച്ചു.
ഇടുക്കിയിൽ അതിതീവ്ര മഴയ്‌ക്കുള്ള മുന്നറിയിപ്പായ റെഡ് അലർട്ടും മറ്റു മൂന്ന് ജില്ലകളിലും തീവ്രമഴയ്‌ക്കുള്ള മുന്നറിയിപ്പായ ഓറഞ്ച് അലർട്ടും നിലവിലുണ്ട്. മലപ്പുറത്ത് ഇന്ന് റെഡ് അലർട്ടാണ്. അതേസമയം, കേരളത്തിൽ അടുത്ത അഞ്ചുദിവസം കനത്ത മഴയ്‌ക്ക് സാധ്യതയുണ്ട്.
ജൂൺ 26 മുതൽ 28 വരെ ഒറ്റപ്പെട്ട അതിശക്‌തമായ മഴയ്‌ക്കും ജൂൺ 26 മുതൽ 29 ഒറ്റപ്പെട്ട ശക്‌തമായ മഴയ്‌ക്കും സാധ്യതയുണ്ടെന്ന് കേന്ദ്ര കാലാവസ്‌ഥാ വകുപ്പ് അറിയിച്ചു. ജൂൺ 26, 27 തീയതികളിൽ കേരളത്തിന് മുകളിൽ മണിക്കൂറിൽ പരമാവധി 50 മുതൽ 60 കിലോമീറ്റർ വരെ വേഗതയിൽ കാറ്റുവീശാനും സാധ്യതയുണ്ട്.
Most Read| ആക്‌സിയോം-4 ദൗത്യസംഘം ബഹിരാകാശ നിലയത്തിൽ പ്രവേശിച്ചു; ഇന്ത്യക്ക് അഭിമാന നിമിഷം
