മലപ്പുറം: എടക്കര പഞ്ചായത്തിൽ സെക്രട്ടറി ഉൾപ്പടെ 9 ജീവനക്കാർക്ക് സസ്പെൻഷൻ. കെട്ടിട നിർമാണത്തിന് അനുമതി നൽകിയതിലുള്ള ക്രമക്കേടിന്റെ പേരിലാണ് നടപടി. പഞ്ചായത്ത് ഡയറക്ടറുടെ പരിശോധനയിലാണ് ഗുരുതര ക്രമക്കേട് കണ്ടെത്തിയത്.
തണ്ണീർ തടങ്ങളും വയലുകളും മണ്ണിട്ട് നികത്തി നിർമിച്ച കെട്ടിടങ്ങൾക്കെല്ലാം അനുമതി നൽകിയതിൽ വ്യാപക ക്രമക്കേടാണ് കണ്ടെത്തിയിരിക്കുന്നത്. തുടർന്ന്, പഞ്ചായത്ത് ഡെപ്യൂട്ടി ഡയറക്ടറുടെ നിർദ്ദേശ പ്രകാരം ജീവനക്കാരെ കൂട്ടത്തോടെ സസ്പെൻഡ് ചെയ്യുകയായിരുന്നു.
നിലവിലെ പഞ്ചായത്ത് സെക്രട്ടറി തോമസ് ഉമ്മൻ, മുൻ സെക്രട്ടറി രതീദേവി എന്നിവർ ഉൾപ്പടെ 9 പേർക്കെതിരെയാണ് കൂട്ടനടപടി. ക്രമക്കേടുകൾ ചൂണ്ടിക്കാട്ടി എഞ്ചിനീയർമാരുടെ സംഘടനയായ ലെൻസ്ഫെഡും നേരത്തെ പരാതി നൽകിയിരുന്നു. ഒപ്പം പ്രാദേശികമായ ചില പരാതികളും ഉയർന്ന് വന്നിരുന്നു.
തുടർന്ന് നടത്തിയ വിശദമായ അന്വേഷണത്തിൽ സെക്രട്ടറി ഉൾപ്പടെയുള്ള ജീവനക്കാരുടെ ഐഡി ദുരുപയോഗം ചെയ്ത് ഇവരുടെ കംപ്യൂട്ടറിൽ കടന്നാണ് വ്യാപക ക്രമക്കേടുകൾ നടത്തിയതെന്ന് കണ്ടെത്തിയിരുന്നു. എടക്കര പഞ്ചായത്തിൽ നിരവധി കെട്ടിടങ്ങൾക്ക് അനധികൃത അനുമതി നൽകിയതായും കണ്ടെത്തിയിട്ടുണ്ട്. ഇത് സംബന്ധിച്ചും കൂടുതൽ അന്വേഷണം നടക്കും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
