ആസിഫ് അലി നായകനായി പുതിയ ചിത്രം വരുന്നു. നവാഗതനായ നിഷാന്ത് സാറ്റു സംവിധാനം ചെയ്യുന്ന ‘എ രഞ്ജിത്ത് സിനിമ’യിലാണ് ആസിഫ് കേന്ദ്ര കഥാപാത്രത്തെ അവതരിപ്പിക്കുന്നത്. സിനിമയുടെ ചിത്രീകരണം ഡിസംബര് 6ന് ആരംഭിക്കും. തിരുവനന്തപുരം ജില്ലയുടെ വിവിധ ഭാഗങ്ങളിലാണ് ചിത്രീകരണം നടക്കുക.
ലുമിനാസ് ഫിലിം ഫാക്ടറിയുടെ ബാനറില് നിഷാദ് പീച്ചി നിർമിക്കുന്ന ചിത്രം ഒരു ഫാമിലി റൊമാന്റിക് ത്രില്ലറാണ്. പ്രമുഖ ചലച്ചിത്ര നിര്മാണ കമ്പനിയായ ‘റോയല് സിനിമാസ് ‘ആണ് ചിത്രത്തിന്റെ വിതരണം.
നമിതാ പ്രമോദ് നായിക കഥാപാത്രത്തെ അവതരിപ്പിക്കുന്ന ചിത്രത്തിൽ സൈജു കുറുപ്പ്, ആന്സണ് പോള്, ബാലചന്ദ്ര മേനോന്, സുനില് സുഗത, സന്തോഷ് ജോര്ജ് കുളങ്ങര, ബാലചന്ദ്രന് ചുള്ളിക്കാട്, രേണുക, പ്രിയങ്ക, സവിത എന്നിവരും അണിനിരക്കുന്നു.
മലയാളികള്ക്ക് ഒട്ടേറെ സൂപ്പര് ഹിറ്റുകള് സമ്മാനിച്ച ഷാഫിയുടെ ശിഷ്യനാണ് സംവിധായകന് നിഷാന്ത് സാറ്റു. പ്രശസ്ത സംവിധായകരായ സന്തോഷ് ശിവന്, അമല് നീരദ് എന്നിവരുടേതടക്കം നിരവധി ഹിറ്റ് സിനിമകളില് അസോസിയേറ്റ് ഡയറക്ടറായി പ്രവര്ത്തിച്ചതിന്റെ അനുഭവ സമ്പത്തുമായാണ് അദ്ദേഹം തന്റെ ആദ്യ ചിത്രവുമായി എത്തുന്നത്.
സുനോജ് വേലായുധനാണ് ഛായാഗ്രഹണം നിർവഹിക്കുന്നത്. റഫീഖ് അഹമ്മദിന്റെയും അജീഷ് ദാസന്റെയും വരികള്ക്ക് മിഥുന് അശോകൻ ഈണം പകരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
സുനോജ് വേലായുധനാണ് ഛായാഗ്രഹണം നിർവഹിക്കുന്നത്. റഫീഖ് അഹമ്മദിന്റെയും അജീഷ് ദാസന്റെയും വരികള്ക്ക് മിഥുന് അശോകൻ ഈണം പകരുന്നു.
