ഭിന്നശേഷിക്കാർക്ക് പുത്തൻ ചുവടുവെപ്പ്; സംസ്‌ഥാനത്താകെ ഖാദി വിൽപ്പനശാലകൾ ഒരുങ്ങുന്നു
ഭിന്നശേഷി ക്ഷേമ കോർപ്പറേഷനും ഭാരതീയ ഖാദി ഗ്രാമ വ്യവസായ സഹകരണ സംഘവും ചേർന്നാണ് പദ്ധതി നടപ്പാക്കുന്നത്. എബിലിറ്റി ബിയോണ്ട് ലിമിറ്റ്‌സ് പദ്ധതിയുടെ ഭാഗമായി 'ഏബിൾ പോയിന്റ്' എന്ന പേരിലാണ് എല്ലാ ജില്ലയിലും വിൽപ്പന ശാലകൾ തുറക്കുന്നത്.
പൊന്നാനി: ഭിന്നശേഷിക്കാർക്ക് പുതുശേഷി പകരാൻ സംസ്‌ഥാനത്താകെ ഖാദി വിൽപ്പനശാലകൾ ഒരുങ്ങുന്നു. ഭിന്നശേഷി ക്ഷേമ കോർപ്പറേഷനും ഭാരതീയ ഖാദി ഗ്രാമ വ്യവസായ സഹകരണ സംഘവും ചേർന്നാണ് പദ്ധതി നടപ്പാക്കുന്നത്. എബിലിറ്റി ബിയോണ്ട് ലിമിറ്റ്‌സ് പദ്ധതിയുടെ ഭാഗമായി ‘ഏബിൾ പോയിന്റ്’ എന്ന പേരിലാണ് എല്ലാ ജില്ലയിലും വിൽപ്പന ശാലകൾ തുറക്കുന്നത്.
ഖാദി ഉൽപ്പന്നങ്ങളുടെ വിപണന കേന്ദ്രമായി ഓരോ ഏബിൾ പോയിന്റും പ്രവർത്തിക്കും. ഖാദി ബോർഡിന്റെ പിന്തുണയുള്ള മൈക്രോ യൂണിറ്റുകൾക്ക് പ്രോൽസാഹനം നൽകുന്നതിനൊപ്പം, അവയുടെ ഉൽപ്പന്നങ്ങൾ വിപണിയിൽ എത്തിക്കുന്നതിനുള്ള കേന്ദ്രങ്ങളായും ഈ വിൽപ്പന ശാലകൾ മാറും.
ഭിന്നശേഷിക്കാർക്ക് പുറമെ മാനസിക വെല്ലുവിളി നേരിടുന്നവർ, ഈ രോഗം ഭേദമായവർ, ബൗദ്ധിക വെല്ലുവിളി നേരിടുന്ന വ്യക്‌തികളുടെ രക്ഷകർത്താക്കൾ എന്നിവർക്കും പദ്ധതിയിലൂടെ തൊഴിൽ നൽകും.
ജനസാന്ദ്രതയുള്ള സ്‌ഥലങ്ങൾ, ജില്ലാ ഭരണകൂട കേന്ദ്രങ്ങൾ, തദ്ദേശ സ്വയംഭരണ സ്‌ഥാപനങ്ങൾ, ജില്ല, താലൂക്ക് ആശുപത്രി പരിസരങ്ങൾ എന്നിവിടങ്ങളിലെ ഒഴിഞ്ഞുകിടക്കുന്ന സ്‌ഥലം ഏബിൾ പോയിന്റ് വിൽപ്പന ശാലക്കായി ഉപയോഗിക്കും. വിനോദസഞ്ചാര കേന്ദ്രങ്ങളിലും പ്രമുഖ ആരാധനാലയ പരിസരങ്ങളിലും യൂണിറ്റുകൾ തുടങ്ങും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
