പുതിയ രാഷ്‌ട്രീയ പാർട്ടിയുമായി അമൃത്പാൽ സിങ്; പ്രഖ്യാപനം ജനുവരി 14ന്
ജനുവരി 14ന് പഞ്ചാബിലെ ശ്രീ മുക്‌ത്‌സർ സാഹിബിൽ നടക്കുന്ന റാലിയിൽ പാർട്ടി പ്രഖ്യാപനം ഉണ്ടാവുമെന്നാണ് റിപ്പോർട്. നിലവിൽ അസമിലെ ദിബ്രുഗഡിലെ ജയിലിൽ കഴിയുകയാണ് അമൃത്പാൽ സിങ്. 2023 ഏപ്രിൽ 23നാണ് അമൃത്പാലിനെ പോലീസ് അറസ്‌റ്റ് ചെയ്‌തത്‌.
ചണ്ഡീഗഡ്: ജയിലിൽ കഴിയുന്ന എംപിയും ഖലിസ്‌ഥാൻ അനുകൂല സംഘടനയായ ‘വാരിസ് പഞ്ചാബ് ദേ’ നേതാവുമായ അമൃത്പാൽ സിങ് രാഷ്‌ട്രീയ പാർട്ടി രൂപീകരിക്കുന്നു. ജനുവരി 14ന് പഞ്ചാബിലെ ശ്രീ മുക്‌ത്‌സർ സാഹിബിൽ നടക്കുന്ന റാലിയിൽ പാർട്ടി പ്രഖ്യാപനം ഉണ്ടാവുമെന്നാണ് റിപ്പോർട്.
ശ്രീ മുക്‌ത്‌സർ സാഹിബിൽ നടക്കുന്ന സിഖ് വംശജരുടെ ആഘോഷമായ മാഘി ദാ മേളയിലാണ് ‘പന്ഥ് ബചാവോ, പഞ്ചാബ് ബചാവോ’ എന്ന് പേരിട്ടിട്ടുള്ള റാലി നടക്കുന്നത്. നിലവിൽ അസമിലെ ദിബ്രുഗഡിലെ ജയിലിൽ കഴിയുകയാണ് അമൃത്പാൽ സിങ്. 2023 ഏപ്രിൽ 23നാണ് അമൃത്പാലിനെ പോലീസ് അറസ്‌റ്റ് ചെയ്‌തത്‌.
ദേശീയ സുരക്ഷാനിയമം അനുസരിച്ചായിരുന്നു അറസ്‌റ്റ്. പോലീസ് പിടിയിലായ അനുയായികളെ മോചിപ്പിക്കാൻ അജ്‌നാല പോലീസ് സ്‌റ്റേഷൻ ആക്രമിച്ചതുൾപ്പടെ ഒട്ടേറെ കേസുകൾ അമൃത്പാൽ സിങ്ങിന്റെ പേരിലുണ്ട്. വധശ്രമം, തട്ടിക്കൊണ്ടുപോയി ആക്രമിക്കാൻ, പോലീസിനെ കൈയേറ്റം ചെയ്യൽ എന്നിവയും ഇതിലുൾപ്പെടുന്നു.
രാഷ്‌ട്രീയ പാർട്ടി രൂപീകരിക്കുന്നതിനെ കുറിച്ച് അമൃത്പാലിന്റെ പിതാവ് താർസെം സിങ് സെപ്‌തംബറിൽ സൂചന നൽകിയിരുന്നു. പഞ്ചാബിന്റെ സാമൂഹിക- സാമ്പത്തിക-സാംസ്‌കാരിക പ്രശ്‌നങ്ങൾ പരിഹരിക്കാനായി രാഷ്‌ട്രീയ പാർട്ടി വേണമെന്നായിരുന്നു താർസെം പറഞ്ഞത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
