തിരുവനന്തപുരം: നിയമസഭാ തിരഞ്ഞെടുപ്പിനുള്ള രണ്ടാംഘട്ട സ്ഥാനാർഥി പട്ടിക പുറത്തിറക്കി ബിജെപി. 39 പേരുടെ പട്ടികയാണ് പുറത്തുവിട്ടത്. ആറൻമുളയിൽ കുമ്മനം രാജശേഖരൻ മൽസരിക്കും. റിയാലിറ്റി ഷോ താരം റോബിൻ രാധാകൃഷണൻ കുണ്ടറയിൽ നിന്ന് ജനവിധി തേടും.
ധർമ്മടത്ത് കെ. രഞ്ജിത്ത്, ഗുരുവായൂരിൽ ബി. ഗോപാലകൃഷ്ണൻ, നാട്ടികയിൽ സിസി. മുകുന്ദൻ, കൊല്ലത്ത് ഡോ. പ്രതാപ്, തൃത്താലയിൽ വി. ഉണ്ണിക്കൃഷ്ണൻ തുടങ്ങിവർ മൽസരിക്കും. പറവൂരിൽ വൽസല പ്രസന്ന കുമാറാണ് സ്ഥാനാർഥി. തിരുവനന്തപുരം സെൻട്രൽ, കണ്ണൂർ എന്നിവിടങ്ങൾ ഒഴിച്ചിട്ടാണ് ബിജെപി സ്ഥാനാർഥി പട്ടിക പുറത്തുവിട്ടിരിക്കുന്നത്.
നാല് വനിതകൾ രണ്ടാംഘട്ട പട്ടികയിലുണ്ട്. 47 സ്ഥാനാർഥികളെ ഉൾപ്പെടുത്തിയാണ് ആദ്യഘട്ട പട്ടിക പുറത്തിറക്കിയത്. ഇതുവരെ 86 പേരുടെ പട്ടികയും ബിജെപി പുറത്തുവിട്ടത്. സമീപകാലത്ത് സിപിഐ, കോൺഗ്രസ് പാർട്ടികൾ വിട്ട് ബിജെപിയിൽ ചേർന്നവരും ആദ്യ പട്ടികയിൽ ഇടം നേടിയിട്ടുണ്ട്.
Most Read| സകല ക്ഷേത്രങ്ങളും പൂജകളും ചരിത്രവും ഇനി ഒരൊറ്റ ക്ളിക്കിൽ
