ശബരിമല സ്വർണക്കൊള്ള; തിരുവിതാംകൂർ അസി. എൻജിനിയർക്ക് സസ്‌പെൻഷൻ
ദേവസ്വം ബോർഡ് അസി. എൻജിനിയർ സുനിൽ കുമാറിനെയാണ് സസ്‌പെൻഡ് ചെയ്‌തത്‌. സ്വർണം പൊതിഞ്ഞ ദ്വാരപാലക ശിൽപ്പം ഉണ്ണിക്കൃഷ്‌ണൻ പോറ്റിയുടെ കൈയിൽ കൊടുത്തുവിടുമ്പോൾ ചെമ്പുപാളി എന്ന് രേഖപ്പെടുത്തിയതുമായി ബന്ധപ്പെട്ടാണ് നടപടി.
തിരുവനന്തപുരം: ശബരിമല സ്വർണ്ണപ്പാളി വിവാദത്തിൽ കൂടുതൽ ഉദ്യോഗസ്‌ഥർക്കെതിരെ നടപടി എടുത്ത് തിരുവിതാംകൂർ ദേവസ്വം ബോർഡ് അസി. എൻജിനിയർ സുനിൽ കുമാറിനെ സസ്‌പെൻഡ് ചെയ്‌തു. സ്വർണം പൊതിഞ്ഞ ദ്വാരപാലക ശിൽപ്പം ഉണ്ണിക്കൃഷ്‌ണൻ പോറ്റിയുടെ കൈയിൽ കൊടുത്തുവിടുമ്പോൾ ചെമ്പുപാളി എന്ന് രേഖപ്പെടുത്തിയതുമായി ബന്ധപ്പെട്ടാണ് നടപടി.
അക്കാലത്തുണ്ടായിരുന്ന വിരമിച്ച ജീവനക്കാരോട് വിശദീകരണം തേടാനും ഇന്ന് ചേർന്ന യോഗം തീരുമാനിച്ചു. പത്ത് ദിവസത്തിനുള്ളിൽ ഇവർ മറുപടി നൽകണം. വിവാദമായി ബന്ധപ്പെട്ട് അഡ്‌മിനിസ്‌ട്രേറ്റീവ്‌ ഓഫീസർ ആയിരുന്ന മുരാരി ബാബുവിനെ സസ്‌പെൻഡ് ചെയ്‌തിരുന്നു. സുനിൽ കുമാറിന്റെ പേര് പ്രതിപ്പട്ടികയിൽ വന്നതോടെയാണ് നടപടി.
നേരത്തെ പുറത്തുവന്ന ദേവസ്വം വിജിലൻസിന്റെ റിപ്പോർട് അടക്കം ഇന്നത്തെ യോഗം ചർച്ച ചെയ്‌തു. സുനിൽ കുമാറിന്റെ ഭാഗത്ത് നിന്ന് വീഴ്‌ചയുണ്ടായെന്ന് വിജിലൻസ് കണ്ടെത്തിയിരുന്നു. പ്രതിപട്ടികയിൽ ഉൾപ്പെടുന്നവരിൽ രണ്ടു പേരാണ് ഇപ്പോഴും സർവീസിൽ തുടരുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
