പട്‌ന: പൊതുപരീക്ഷാ ചോദ്യപേപ്പർ ചോർത്തലിന് കടുത്ത ശിക്ഷാ വ്യവസ്‌ഥകളുള്ള ബിൽ പാസാക്കി ബിഹാർ നിയമസഭ. ചോദ്യപേപ്പർ ചോർത്തലിൽ ഉൾപ്പെടുന്ന വ്യക്‌തികൾക്ക് മൂന്ന് വർഷം മുതൽ അഞ്ചുവർഷം വരെ തടവും പത്ത് ലക്ഷം രൂപ പിഴയുമാണ് ശിക്ഷ.
പരീക്ഷാ നടത്തിപ്പിലെ സർക്കാർ/ സ്വകാര്യ സേവനദാതാക്കൾ ചോദ്യപേപ്പർ ചോർത്തലിൽ ഉൾപ്പെട്ടാൽ ഒരുകോടി രൂപ പിഴയും നാല് വർഷത്തേക്ക് വിലക്കും ഏർപ്പെടുത്തും. പരീക്ഷ വീണ്ടും നടത്തുന്നതിനുള്ള ചിലവിലൊരു ഭാഗവും സേവനദാതാവിൽ നിന്ന് ഈടാക്കും.
ബിഹാർ സ്‌കൂൾ പരീക്ഷാ ബോർഡ്, ബിഹാർ പബ്ളിക് സർവീസ് കമ്മീഷൻ, ബിഹാർ സ്‌റ്റാഫ്‌ സെലക്ഷൻ കമ്മീഷൻ സ്‌ഥാപനങ്ങൾ നടത്തുന്ന പരീക്ഷകൾക്കെല്ലാം ബാധകമാണ് ചോദ്യപേപ്പർ ചോർത്തൽ തടയൽ നിയമം.
Most Read| നിപയിൽ കേരളത്തിന് ആശ്വാസം; 16 പരിശോധനാ ഫലങ്ങൾ കൂടി നെഗറ്റീവ്
