കോഴിക്കോട്: കോവിഡ് മഹാമാരിക്കൊപ്പം ബ്ളാക്ക് ഫംഗസും രാജ്യത്ത് ആശങ്ക വർധിപ്പിക്കുന്നു. കോഴിക്കോട് ജില്ലയിൽ 10 പേർക്ക് രോഗം സ്ഥിരീകരിച്ചു. ഈ സാഹചര്യത്തിൽ ജില്ലയിലേക്കുള്ള മരുന്ന് ഉടൻ തന്നെ എത്തിക്കും. കൂടുതൽ രോഗികൾ ഇവിടേക്ക് ചികിൽസക്ക് എത്തുന്നത് കൊണ്ടാണ് അടിയന്തിരമായി മരുന്ന് എത്തിക്കാൻ ജില്ലാ കളക്ടർ വിളിച്ച് ചേർത്ത യോഗത്തിൽ ധാരണയായിട്ടുള്ളത്.
കോഴിക്കോട് ജില്ലയിൽ നിന്നുള്ള രണ്ട് പേരും മലപ്പുറത്തെ 5 പേരും മറ്റു ജില്ലക്കാരായ 3 പേരുമാണ് നിലവിൽ കോഴിക്കോട് മെഡിക്കൽ കോളേജിൽ ബ്ളാക്ക് ഫംഗസ് ബാധിച്ച് ചികിൽസയിൽ കഴിയുന്നത്. ചികിൽസയിൽ കഴിയുന്ന ഒരാളുടെ നില ഗുരുതരമാണ്. ഇതിൽ ഒരാൾ രണ്ടുതവണ കോവിഡ് പോസിറ്റീവായ ശേഷം നെഗറ്റീവായതാണ്. മൂന്നാമതൊരാൾക്ക് ആന്റിജൻ ടെസ്റ്റിൽ നെഗറ്റീവായതിനെ തുടർന്ന് ആർടിപിസിആർ പരിശോധനക്ക് അയച്ചിട്ടുണ്ട്.
രോഗം സ്ഥിരീകരിച്ചവരിൽ 4 പേർക്ക് കാഴ്ച നഷ്ടമായി. ആറുപേരെ വരുംദിവസങ്ങളിൽ ശസ്ത്രക്രിയക്ക് വിധേയരാക്കും. രോഗം ബാധിച്ചവരിൽ പലരും നേരത്തെ കോവിഡ് പോസിറ്റീവായവരാണ്. നെഗറ്റീവ് ആകുമ്പോഴാണ് ശസ്ത്രക്രിയ നടത്തുക. ശസ്ത്രക്രിയക്ക് വിധേയമാക്കിയാൽ മാത്രമേ കണ്ണിന്റെ ഞരമ്പുകളെ എത്രമാത്രം രോഗം ബാധിച്ചുവെന്ന് പറയാനാകൂ. ഇതനുസരിച്ചാണ് കണ്ണ് നീക്കം ചെയ്യുന്നത് സംബന്ധിച്ച് തീരുമാനം എടുക്കുകയുള്ളുവെന്ന് ഇഎൻടി വിഭാഗം ഡോക്ടർമാർ അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
