ന്യൂഡെൽഹി: രാജ്യത്ത് നാളെമുതൽ ഇന്ധനവില കൂടും. കേന്ദ്ര സർക്കാർ എക്‌സൈസ് തീരുവ കൂട്ടിയതോടെയാണ് പെട്രോളിനും ഡീസലിനും രണ്ടുരൂപ വെച്ച് കൂടിയത്. ഇതുസംബന്ധിച്ച് ധനമന്ത്രാലയത്തിന്റെ വിജ്‌ഞാപനം പുറത്തിറങ്ങി. എക്‌സൈസ് തീരുവ രണ്ടുരൂപ വീതം ഉയർത്തിക്കൊണ്ടുള്ള തീരുമാനമാണ് വന്നിരിക്കുന്നത്.
പുതുക്കിയ വില ഇന്ന് അർധരാത്രി മുതൽ പ്രാബല്യത്തിൽ വരും. ചില്ലറ വിൽപ്പനയെ വില ബാധിക്കില്ല. ആഗോളതലത്തിൽ ക്രൂഡ് ഓയിലിന്റെ വില ഉയർന്ന സമയത്ത് രാജ്യത്ത് ഇന്ധനവില കുറയ്‌ക്കുന്ന തീരുമാനം, അതായത് എക്‌സൈസ് തീരുവ കുറച്ചുകൊണ്ടുള്ള തീരുമാനം സർക്കാർ കൈക്കൊണ്ടിരുന്നു. എന്നാലിപ്പോൾ, ആഗോളതലത്തിൽ ഇന്ധനവില ഉയരുന്ന സാഹചര്യമാണുള്ളത്.
ഇതോടൊപ്പം അമേരിക്ക പകരച്ചുങ്കം ഏർപ്പെടുത്തിയിരിക്കുന്ന സാഹചര്യവുമുണ്ട്. റഷ്യയിൽ നിന്ന് എണ്ണ ഇറക്കുമതി ചെയ്യരുത് എന്ന തരത്തിൽ ഇന്ത്യക്കുമേൽ കനത്ത സമ്മർദ്ദവും നിലനിൽക്കുന്നുണ്ട്. ഈ സാഹചര്യങ്ങളുടെയെല്ലാം പശ്‌ചാത്തലത്തിലാണ്‌ കേന്ദ്ര സർക്കാർ ഇന്ധനവില ഉയർത്തുന്നതിന് വഴിവെച്ചുകൊണ്ടുള്ള എക്‌സൈസ് തീരുവ കൂട്ടാൻ തീരുമാനിച്ചിരിക്കുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
