തിരുവനന്തപുരം: സംസ്ഥാനത്ത് ശക്തമായ കാറ്റിന് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. കേരള തീരത്ത് നിന്ന് മൽസ്യ ബന്ധനത്തിന് പോകുന്നവര് ജാഗ്രത പാലിക്കണമെന്ന് അധികൃതർ നിർദ്ദേശിച്ചു.
തെക്ക്-പടിഞ്ഞാറന്, മധ്യ-പടിഞ്ഞാറന്, വടക്കന് അറബിക്കടല് പ്രദേശങ്ങളില് മണിക്കൂറില് 50 മുതല് 70 കിലോമീറ്റര് വേഗതയിൽ കാറ്റ് വീശാന് സാധ്യതയുണ്ട്. കൂടാതെ തെക്ക്-പടിഞ്ഞാറന് ബംഗാള് ഉള്ക്കടല്, തെക്ക് കിഴക്കന് ശ്രീലങ്കന് തീരങ്ങള് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വേഗതയിലും കാറ്റ് വീശിയേക്കുമെന്ന് കാലാവസ്ഥാ വകുപ്പ് അറിയിച്ചു.
മുന്നറിയിപ്പിന്റെ പശ്ചാത്തലത്തിൽ ഈ പ്രദേശങ്ങളില് നിന്ന് മൽസ്യ ബന്ധനത്തിന് പോകുന്നത് ജില്ലാ കളക്ടർമാര് വിലക്കിയിട്ടുണ്ട്. ചൊവ്വാഴ്ച മുതല് വെള്ളിയാഴ്ച വരെ നാല് ദിവസത്തേക്കാണ് വിലക്ക്.
Most Read: കരുവന്നൂർ ബാങ്ക് തട്ടിപ്പ്; മുൻകൂർ ജാമ്യാപേക്ഷ നൽകി പ്രതികൾ
