തിരുവനന്തപുരം: സംസ്ഥാനത്തെ കോവിഡ് കേസുകളിൽ 10 ദിവസം കൊണ്ട് നാലിരട്ടി വർധന ഉണ്ടായതായി ആരോഗ്യവകുപ്പ് മന്ത്രി വീണ ജോർജ്. ഈ സാഹചര്യത്തിൽ എല്ലാവരും അതീവ ജാഗ്രത പാലിക്കേണ്ടത് അനിവാര്യമാണെന്നും മന്ത്രി കൂട്ടിച്ചേർത്തു. പ്രതിദിന കോവിഡ് കേസുകള് നിലവിൽ 22,000 കടന്നിരിക്കുകയാണ്. കഴിഞ്ഞ ജനുവരി 7ആം തീയതി കോവിഡ് കേസുകള് 5,000ന് മുകളിലായിരുന്നു. അത് കേവലം 10 ദിവസം കൊണ്ട് നാലിരട്ടിയിലധികമായി വര്ധിച്ചു. ജനുവരി 12ന് 12,000ന് മുകളിലും ജനുവരി 17ന് 22,000ന് മുകളിലും എത്തിയിട്ടുണ്ട്.
നിലവിലെ സാഹചര്യത്തിൽ ഇനിയും കേവിഡ് കേസുകള് കുത്തനെ ഉയരാതിരിക്കാന് എല്ലാവരും അതീവ ജാഗ്രത പാലിക്കണം. ആരില് നിന്നും കോവിഡ് പകരുന്ന അവസ്ഥയാണുള്ളത്. സ്വയം സുരക്ഷയാണ് ഏറ്റവും പ്രധാനം. പൊതുസ്ഥലങ്ങളില് ഇറങ്ങുന്നവര് ശരിയായവിധം എന് 95 മാസ്കോ, ഡബിള് മാസ്കോ ധരിക്കണമെന്നും മന്ത്രി വ്യക്തമാക്കി. കഴിഞ്ഞ ആഴ്ചയുമായി താരതമ്യം ചെയ്യുമ്പോള് റിപ്പോര്ട് ചെയ്യപ്പെടുന്ന പുതിയ കോവിഡ് കേസുകളില് ഏകദേശം 60,161 വര്ധനയാണ് ഉണ്ടായിരിക്കുന്നത്. കൂടാതെ പുതിയ കേസുകളുടെ വളര്ച്ചാ നിരക്കില് 182 ശതമാനം വര്ധനവും ഉണ്ടായിട്ടുണ്ട്.
രോഗവ്യാപനം തുടരുന്ന പശ്ചാത്തലത്തിൽ പൊതുചടങ്ങുകള് മാര്ഗനിര്ദ്ദേശ പ്രകാരം മാത്രം നടത്തേണ്ടതാണ്. എല്ലായിടത്തും ആളുകളെ പരമാവധി കുറക്കണം. പനിയും രോഗലക്ഷണങ്ങൾ ഉള്ളവരും അത് മറച്ചു വച്ച് പൊതുയിടങ്ങളില് ഇറങ്ങരുത്. രോഗലക്ഷണങ്ങളുള്ളവര് ആരോഗ്യ പ്രവര്ത്തകരുടെ നിര്ദ്ദേശമനുസരിച്ച് കോവിഡ് പരിശോധന നടത്തണം. ഓഫീസുകളിലും സ്ഥാപനങ്ങളിലും എല്ലാവരും ശരിയായ വിധം മാസ്ക് ധരിക്കണമെന്നും മന്ത്രി വ്യക്തമാക്കി.
കൂടാതെ ഒരുമിച്ചിരുന്ന് ഭക്ഷണം കഴിക്കാതിരിക്കാന് ശ്രദ്ധിക്കണം. കൈ കഴുകുന്ന സ്ഥലങ്ങളിലും തിരക്ക് കൂട്ടരുത്. അടച്ചിട്ട സ്ഥലങ്ങള് കോവിഡ് വ്യാപനത്തിന് കാരണമായതിനാല് ജനലുകളും വാതിലുകളും തുറന്നിടണം. കടകളിലും ഷോപ്പിംഗ് മാളുകളിലും പോകുന്നവര് ഒരിക്കലും മാസ്ക് താഴ്ത്തരുത്. എല്ലാവരും കോവിഡ് മാര്ഗനിര്ദ്ദേശങ്ങള് പാലിക്കണമെന്നും മന്ത്രി അഭ്യര്ഥിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
