മലപ്പുറം: സിപിഎം തിരുത്തിയില്ലെങ്കിൽ ഇടതു മുന്നണി പൊളിയുമെന്ന് സിപിഐയുടെ മുന്നറിയിപ്പ്. മലപ്പുറത്ത് സിപിഐയുടെ ജില്ലാ ക്യാമ്പിലാണ് വിമർശനം. സിപിഎം കടുംപിടിത്തം തുടരുകയാണെങ്കിൽ കോൺഗ്രസുമായി സഖ്യം വേണമെന്ന് പൊന്നാനിയിൽ നിന്നുള്ള അംഗം ആവശ്യപ്പെട്ടു. രാജ്യവ്യാപകമായി കോൺഗ്രസുമായി സഹകരിക്കുമ്പോൾ കേരളത്തിൽ മാത്രം മറിച്ചൊരു നിലപാട് എടുക്കുന്നത് എന്തിനാണെന്നും ചോദിച്ചു.
സിപിഎം അവഗണന സഹിക്കാവുന്നതിലും അപ്പുറമാണെന്ന് ക്യാമ്പിൽ പങ്കെടുത്ത ഭൂരിപക്ഷം പ്രതിനിധികളും അഭിപ്രായപ്പെട്ടു. ആഭ്യന്തര വകുപ്പ് ദുർബലമാണെന്നും കുറ്റപ്പെടുത്തലുണ്ടായി. എന്നാൽ, പ്രതിനിധികളെ കൂടുതൽ ചർച്ചകളിലേക്ക് കടക്കാൻ നേതൃത്വം അനുവദിച്ചില്ല. ഇത്തരം ചർച്ചകൾ ക്യാമ്പിൽ വേണ്ടെന്നായിരുന്നു നേതൃത്വം പറഞ്ഞത്.
പരാജയത്തെ പരാജയമായി അംഗീകരിച്ചു വീഴ്‌ചകൾ കണ്ടെത്തി തിരുത്തണമെന്ന് ക്യാമ്പിൽ പങ്കെടുത്ത സിപിഐ സംസ്‌ഥാന സെക്രട്ടറി ബിനോയ് വിശ്വം പറഞ്ഞിരുന്നു. ചുവന്ന കൊടി പിടിച്ചു പണക്കാർക്ക് ദാസിപ്പണി എടുത്താൽ പാർട്ടി ശിക്ഷിക്കപ്പെടുമെന്നും ബിനോയ് പറഞ്ഞു.
Most Read| ഏറ്റവും ഉയരം കുറവ്; ലോക റെക്കോർഡ് നേടി ബ്രസീലിയൻ ദമ്പതികൾ
