‘അവരും അധികാരം ത്യാഗം ചെയ്തിട്ടുണ്ട്’; സോണിയയെ പരാമർശിച്ച് ഡികെ ശിവകുമാർ
2004ലെ ലോക്സഭാ തിരഞ്ഞെടുപ്പിൽ യുപിഎ വിജയിച്ചപ്പോൾ പ്രധാനമന്ത്രിയാകാൻ സോണിയയ്ക്ക് അവസരം ലഭിച്ചുവെങ്കിലും അവർ അത് നിരാകരിക്കുകയും മൻമോഹൻ സിങ്ങിന് അവസരം നൽകുകയും ചെയ്തുവെന്നാണ് ശിവകുമാറിന്റെ വാക്കുകൾ.
ബെംഗളൂരു: കർണാടകയിൽ മുഖ്യമന്ത്രി കസേരയ്ക്കായുള്ള തർക്കം തുടരുന്നതിനിടെ, അധികാരം വേണ്ടെന്നുവെച്ച സോണിയാ ഗാന്ധിയെ പ്രസംഗത്തിൽ പരാമർശിച്ച് ഡികെ ശിവകുമാർ. ബെംഗളൂരുവിൽ ഒരു പൊതു പരിപാടിയിൽ സംസാരിക്കുകയായിരുന്നു അദ്ദേഹം.
2004ലെ ലോക്സഭാ തിരഞ്ഞെടുപ്പിൽ യുപിഎ വിജയിച്ചപ്പോൾ പ്രധാനമന്ത്രിയാകാൻ സോണിയയ്ക്ക് അവസരം ലഭിച്ചുവെങ്കിലും അവർ അത് നിരാകരിക്കുകയും മൻമോഹൻ സിങ്ങിന് അവസരം നൽകുകയും ചെയ്തുവെന്നാണ് ശിവകുമാറിന്റെ വാക്കുകൾ.
‘20 വർഷം കോൺഗ്രസിന്റെ അധ്യക്ഷയായിരുന്നു സോണിയാ ഗാന്ധി. അവരും അധികാരം ത്യാഗം ചെയ്തിട്ടുണ്ട്. അന്നത്തെ രാഷ്ട്രപതി അബ്ദുൽ കലാം അവരെ പ്രധാനമന്ത്രിയാകാൻ വിളിച്ചു. എന്നാൽ, അവർ അത് നിരസിച്ചു. രാജ്യത്തെ മുന്നോട്ട് നയിക്കാനാകുന്ന വ്യക്തിയെന്ന നിലയ്ക്ക് മൻമോഹൻ സിങ്ങിനെ നിർദ്ദേശിച്ചു’- ഡികെ ശിവകുമാർ പറഞ്ഞു.
സിദ്ധരാമയ്യ നയിക്കുന്ന കോൺഗ്രസ് സർക്കാരിനൊപ്പം എപ്പോഴും തുടരണമെന്നും ഒരിക്കൽ കൂടി തങ്ങളെ അനുഗ്രഹിക്കണമെന്നും ശിവകുമാർ പറഞ്ഞു. 2028ലെ പൊതു തിരഞ്ഞെടുപ്പ് ഉദ്ദേശിച്ചായിരുന്നു ശിവകുമാറിന്റെ പ്രസംഗം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
