മലപ്പുറം: വീടുകളിൽ വിൽപനക്കായി കൊണ്ടുവന്ന മീൻ തിന്ന പൂച്ചകൾ തൽക്ഷണം പിടഞ്ഞു ചത്തത് നാട്ടുകാർക്കിടയിൽ പരിഭ്രാന്തി പരാതി. കുറ്റിപ്പുറം നാഗപറമ്പിൽ ഇന്നലെ രാവിലെ ഒമ്പതോടെയാണ് സംഭവം. മണിയങ്കാടുള്ള വിൽപ്പനക്കാരൻ വീടുകളിൽ മൽസ്യം വിൽക്കുന്നതിനിടെയാണ് സംഭവം.
ഇയാളിൽ നിന്ന് മൽസ്യം വാങ്ങിയ സ്ത്രീ സമീപത്തുണ്ടായിരുന്ന രണ്ട് പൂച്ചകൾക്ക് മീൻ ഇട്ടു നൽകി. മീൻ തിന്നതോടെ രണ്ട് പൂച്ചകളും തൽക്ഷണം പിടഞ്ഞു ചത്തു. സംഭവത്തെ തുടർന്ന് നാട്ടുകാർ മീൻ വിൽപന തടയുകയും നേരത്തെ ഇയാളിൽ നിന്ന് മീൻ വാങ്ങിയ വീടുകളിൽ എത്തി വിവരം അറിയിക്കുകയും ചെയ്തു.
തുടർന്ന് നാട്ടുകാർ മീൻ കുറ്റിപ്പുറത്തെ ഫുഡ് സേഫ്റ്റി ഓഫിസിൽ പരിശോധനക്ക് എത്തിക്കുകയായിരുന്നു. മലപ്പുറം മൊബൈൽ ഫുഡ് പരിശോധനാ ലാബിൽ എത്തിച്ച് പരിശോധിച്ചെങ്കിലും ഫലം നെഗറ്റീവ് ആണെന്ന് കോട്ടയ്ക്കൽ ഫുഡ് സേഫ്റ്റി ഓഫിസർ അറിയിച്ചു. കൂടുതൽ പരിശോധനക്കായി കോഴിക്കോടേക്ക് അയക്കും. മൽസ്യം എത്തിച്ച തിരൂർ മാർക്കറ്റിലും പരിശോധന നടത്തുമെന്ന് ഉദ്യോഗസ്ഥർ അറിയിച്ചു.
Most Read: ചൂർകുന്നിലെ ടാർ മിക്സിങ് പ്ളാന്റിനെതിരെ ജനകീയ പ്രതിഷേധം ശക്തം
