ഗാന്ധിനഗര്‍: ഗുജറാത്ത് മുന്‍ മുഖ്യമന്ത്രി കേശുഭായ് പട്ടേല്‍ അന്തരിച്ചു. 93 വയസായിരുന്നു. അഹമ്മദാബാദിലെ ആശുപത്രിയില്‍ വെച്ചാണ് അന്ത്യം. മുതിര്‍ന്ന ബിജെപി നേതാവും രണ്ടുതവണ ഗുജറാത്ത് മുഖ്യമന്ത്രിയായ ഇദ്ദേഹത്തിന് കഴിഞ്ഞ മാസം കോവിഡ് സ്‌ഥിരീകരിച്ചിരുന്നു. പിന്നീട് കോവിഡ് നെഗറ്റീവ് ആയി വീട്ടിലേക്ക് മടങ്ങിയെങ്കിലും ആരോഗ്യനില വഷളായതിനെ തുടര്‍ന്ന് വീണ്ടും ആശുപത്രിയില്‍ പ്രവേശിപ്പിക്കുക ആയിരുന്നു.
1995ലും 1998 മുതല്‍ 2001 വരെയുമാണ് കേശഭായ് പട്ടേല്‍ ഗുജറാത്ത് മുഖ്യമന്ത്രിയായിരുന്നത്. ആറ് തവണ ഗുജറാത്ത് നിയമസഭയിലേക്ക് തിരഞ്ഞെടുക്കപ്പെട്ട ഇദ്ദേഹം 2012ല്‍ ബിജെപിയില്‍ നിന്ന് രാജിവച്ച ശേഷം ‘ഗുജറാത്ത് പരിവര്‍ത്തന്‍ പാര്‍ട്ടി’ രൂപീകരിച്ചു.
പ്രധാനമന്ത്രി നരേന്ദ്ര മോദി കേശുഭായ് പട്ടേലിന്റെ വേര്‍പാടില്‍ അനുശോചനം രേഖപ്പെടുത്തി. സമൂഹത്തിലെ എല്ലാ വിഭാഗങ്ങളെയും ഒരുപോലെ പരിപാലിക്കുന്ന മികച്ച നേതാവെന്നാണ് പ്രധാനമന്ത്രി അദ്ദേഹത്തെ വിശേഷിപ്പിച്ചത്. ‘ഞങ്ങളുടെ പ്രിയപ്പെട്ട, ബഹുമാനപ്പെട്ട കേശുഭായ് അന്തരിച്ചു. അദ്ദേഹത്തിന്റെ ജീവിതം ഗുജറാത്തിന്റെ പുരോഗതിക്കും ഓരോ ഗുജറാത്തിയുടെയും ശാക്‌തീകരണത്തിനുമായി നീക്കിവച്ചിരുന്നു’, മോദി ട്വീറ്റ് ചെയ്‌തു.
Our beloved and respected Keshubhai has passed away…I am deeply pained and saddened. He was an outstanding leader who cared for every section of society. His life was devoted towards the progress of Gujarat and the empowerment of every Gujarati. pic.twitter.com/pmahHWetIX
— Narendra Modi (@narendramodi) October 29, 2020
Read Also: ഫ്രഞ്ച് പ്രസിഡണ്ടിന് എതിരായ ആക്രമണങ്ങളെ അപലപിച്ച് ഇന്ത്യ
