കേരളത്തിൽ ഇന്ന് സ്വർണവില സർവകാല റെക്കോർഡിൽ. ചരിത്രത്തിൽ ആദ്യമായി പവന് 80,000ത്തിന് മുകളിലെത്തി. ഗ്രാം വില 10,000 രൂപയെന്ന നാഴികക്കല്ലും ഭേദിച്ചു. ഇന്ന് ഒറ്റദിവസം 1000 രൂപയാണ് കൂടിയത്. ഇതോടെ ഒരുപവൻ വില 80,880 രൂപയിലെത്തി. ഗ്രാമിന് 125 രൂപ ഉയർന്ന് 10,110 രൂപയും.
ഇന്ന് ഒരുപവൻ ആഭരണം വാങ്ങാൻ മിനിമം 87,530 രൂപയെങ്കിലും വേണ്ടിവരും. 3% ജിഎസ്ടിയും 53.10 രൂപ ഹോൾമാർക്ക് ചാർജും കുറഞ്ഞത് 5% പണിക്കൂലിയും ചേർത്തുള്ള വാങ്ങൽ തുകയാണിത്. ഒറ്റ ഗ്രാം സ്വർണാഭരണത്തിന് ഇതുപ്രകാരം മിനിമം 11,000 രൂപയ്ക്കടുത്തും നൽകണം.
കഴിഞ്ഞ മൂന്നാഴ്ചയ്ക്കിടെ മാത്രം കേരളത്തിൽ ഗ്രാമിന് 895 രൂപയും പവന് 7160 രൂപയും കൂടി. ആഭരണപ്രിയരെയും വിവാഹം ഉൾപ്പടെ ആവശ്യങ്ങൾക്കായി ആഭരണങ്ങൾ വാങ്ങാൻ ശ്രമിക്കുന്നവരെയുമാണ് ഈ വിലക്കുതിപ്പ് നിരാശരാക്കുന്നത്.
Most Read| നിന്നനിൽപ്പിൽ അപ്രത്യക്ഷമാകും, ഉടൻ പ്രത്യക്ഷപ്പെടും; അത്ഭുത തടാകം
