അണ്ടർ 19 വനിതാ ടി20 ലോകകപ്പ്; സെമി ഉറപ്പിച്ച് ഇന്ത്യ- ചരിത്ര സെഞ്ചറിയുമായി തൃഷ
ടോസ് നഷ്‌ടപ്പെട്ട് ബാറ്റിങ്ങിനിറങ്ങിയ ഇന്ത്യ, നിശ്‌ചിത 20 ഓവറിൽ ഒരു വിക്കറ്റ് നഷ്‌ടത്തിൽ 208 റൺസ് അടിച്ചപ്പോൾ സ്‍കോട്‍ലൻഡ് 14 ഓവറിൽ 58 റൺസിന് ഓൾ ഔട്ടായി. അണ്ടർ 19 വനിതാ ടി20 ലോകകപ്പ് ചരിത്രത്തിലെ ആദ്യ സെഞ്ചറിയെന്ന ചരിത്രനേട്ടം സ്വന്തമാക്കിയ ഓൾറൗണ്ടർ ഗോംഗാദി തൃഷയുടെ പ്രകടനമാണ് ഇന്ത്യക്ക് അനായാസ വിജയം സമ്മാനിച്ചത്.
ക്വലലംപൂർ: അണ്ടർ 19 വനിതാ ടി20 ലോകകപ്പിൽ സ്‍കോട്‍ലൻഡിനെ 150 റൺസിന് തകർത്ത് സെമി ഉറപ്പിച്ച് ഇന്ത്യൻ യുവനിര. ബാറ്റർമാരും ബോളർമാരും ഒരുപോലെ കരുത്തുകാട്ടിയ മൽസരം. ടോസ് നഷ്‌ടപ്പെട്ട് ബാറ്റിങ്ങിനിറങ്ങിയ ഇന്ത്യ, നിശ്‌ചിത 20 ഓവറിൽ ഒരു വിക്കറ്റ് നഷ്‌ടത്തിൽ 208 റൺസ് അടിച്ചപ്പോൾ സ്‍കോട്‍ലൻഡ് 14 ഓവറിൽ 58 റൺസിന് ഓൾ ഔട്ടായി.
സൂപ്പർ സിക്‌സിലെ ആദ്യ മൽസരത്തിൽ ബംഗ്ളാദേശിനെ എട്ടുവിക്കറ്റിന് തോൽപ്പിച്ചതോടെ ഇന്ത്യ സെമി ഉറപ്പിച്ചിരുന്നു. ഗ്രൂപ്പ് ഒന്നിൽ ഇന്ത്യക്ക് പുറമെ ഓസ്‌ട്രേലിയയും സെമിയിൽ കടന്നു. ഗ്രൂപ്പ് രണ്ടിൽ നിന്ന് ദക്ഷിണാഫ്രിക്ക, ഇംഗ്ളണ്ട് ടീമുകളാണ് സെമിയിലെത്തിയത്. സെമി ഫൈനലുകൾ വെള്ളിയാഴ്‌ചയും ഫൈനൽ ഞായറാഴ്‌ചയും നടക്കും.
അണ്ടർ 19 വനിതാ ടി20 ലോകകപ്പ് ചരിത്രത്തിലെ ആദ്യ സെഞ്ചറിയെന്ന ചരിത്രനേട്ടം സ്വന്തമാക്കിയ ഓൾറൗണ്ടർ ഗോംഗാദി തൃഷയുടെ പ്രകടനമാണ് ഇന്ത്യക്ക് അനായാസ വിജയം സമ്മാനിച്ചത്. തൃഷ പിന്നീട് രണ്ട് ഓവറിൽ ആറ് റൺസ് മാത്രം വഴങ്ങി മൂന്ന് വിക്കറ്റും പിഴുത് ഓൾറൗണ്ട് പ്രകടനം കാഴ്‌ചവെച്ചു. ഇന്ത്യ ഉയർത്തിയ 209 റൺസ് വിജയലക്ഷ്യത്തിലേക്ക് ബാറ്റെടുത്ത സ്‍കോട്‍ലൻഡിന് തുടക്കം മുതൽ പിഴച്ചു.
ഓപ്പണിങ് വിക്കറ്റിൽ 13 റൺസെടുത്ത അവർക്ക്, പിന്നീട് 35 റൺസിനിടെ നഷ്‌ടമായത് ഒമ്പത് വിക്കറ്റുകളാണ്‌. നാല് വിക്കറ്റ് വീഴ്‌ത്തിയ ആയുഷി ശുക്ള, മൂന്ന് വിക്കറ്റ് വീഴ്‌ത്തിയ വൈഷ്‌ണവി ശർമ, മൂന്ന് വിക്കറ്റെടുത്ത ഗോംഗാദി തൃഷ എന്നിവരാണ് സ്‍കോട്‍ലൻഡിനെ തകർത്തത്.
ടൂർണമെന്റിൽ ഇതുവരെ ഇന്ത്യൻ മുന്നേറ്റത്തിന് ചുക്കാൻ പിടിച്ച ഓപ്പണർ ഗോംഗാദി തൃഷയുടെ സെഞ്ചറി മികവിലാണ് ഇന്ത്യ മികച്ച സ്‌കോർ കണ്ടെത്തിയത്. തൃഷ 110 റൺസുമായി പുറത്താകാതെ നിന്നു. സഹ ഓപ്പണർ ജി കമാലിനി അർധ സെഞ്ചറിയും നേടി. അണ്ടർ 19 വനിതാ ട്വിന്റി20 ലോകകപ്പിൽ സെഞ്ചറി നേടുന്ന ആദ്യ താരം കൂടിയായി മാറി തൃഷ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
