തിരുവനന്തപുരം: മദ്യം ഓൺലൈനായി ബുക്ക് ചെയ്യാനുള്ള സൗകര്യം ആദ്യ ദിവസം തന്നെ ഉപയോഗിച്ചത് നാനൂറോളം പേർ. തിരുവനന്തപുരം പഴവങ്ങാടി, കോഴിക്കോട് പാവമണി റോഡ്, കൊച്ചി മാർക്കറ്റ് റോഡ് എന്നിവിടങ്ങളിലെ ഔട്ലെറ്റുകളിലാണ് ഓൺലൈൻ വിതരണത്തിനുള്ള സൗകര്യം ഒരുക്കിയത്.
കോഴിക്കോട് 96,980 രൂപയ്ക്കും, കൊച്ചിയിൽ 67,800 രൂപയ്ക്കും, തിരുവനന്തപുരത്ത് 60,840 രൂപയ്ക്കും ഓൺലൈൻ വഴി ബുക്ക് ചെയ്തവർക്ക് മദ്യം വിറ്റു. ആദ്യദിനം തന്നെ മികച്ച പ്രതികരണമാണ് ലഭിച്ചത്. പരിഷ്കാരം വിജയിച്ചെന്നാണ് ബിവറേജസ് കോർപറേഷന്റെ വിലയിരുത്തൽ.
ഒരു പരാതി പോലും ലഭിച്ചില്ലെന്ന് മാനേജിങ് ഡയറക്ടർ യോഗേഷ് ഗുപ്ത പറഞ്ഞു. ഓണത്തിന് ശേഷം 22 ഷോപ്പുകളിൽ കൂടി സൗകര്യം ഒരുക്കാനാണ് തീരുമാനം. പിന്നീട് എല്ലാ ഷോപ്പുകളിലേക്കും വ്യാപിപ്പിക്കുമെന്നും അധികൃതർ അറിയിച്ചു.
Read Also: പാലാ ബൈപ്പാസ് അല്ല, ഇനിമുതൽ കെഎം മാണി ബൈപ്പാസ് റോഡ്
