തിരുവനന്തപുരം: സംസ്‌ഥാനത്ത്‌ വീണ്ടും മഴ മുന്നറിയിപ്പ്. ഇന്ന് എട്ട് ജില്ലകളിൽ യെല്ലോ അലർട് പ്രഖ്യാപിച്ചു. ആലപ്പുഴ, എറണാകുളം, തൃശൂർ, മലപ്പുറം, കോഴിക്കോട്, വയനാട്, കണ്ണൂർ കാസർഗോഡ് ജില്ലകളിലാണ് ഇന്ന് യെല്ലോ അലർട് പ്രഖ്യാപിച്ചിരിക്കുന്നത്. മഴയ്‌ക്കൊപ്പം 40 മുതൽ 50 കിലോമീറ്റർ വരെ വേഗത്തിൽ ശക്‌തമായ കാറ്റ് വീശാനും സാധ്യതയുണ്ട്.
നാളെ കോട്ടയം, ഇടുക്കി, പത്തനംതിട്ട, ആലപ്പുഴ, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ കാസർഗോഡ് ജില്ലകളിൽ യെല്ലോ അലർട് ആയിരിക്കും. അടുത്ത മൂന്ന് മണിക്കൂറിനുള്ളിൽ കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളിൽ ഇടത്തരം മഴയ്‌ക്കും കാറ്റിനും സാധ്യതയുണ്ടെന്നാണ് കേന്ദ്ര കാലാവസ്‌ഥാ വകുപ്പിന്റെ മുന്നറിയിപ്പ്.
അതേസമയം, കേരളത്തിൽ കാലവർഷം എത്തിയിട്ട് ഒരുമാസം തികയുമ്പോൾ 53% അധികമഴ ലഭിച്ചെന്നാണ് കാലാവസ്‌ഥാ വകുപ്പിന്റെ കണക്ക്. പതിവ് പോലെ കൂടുതൽ മഴ ലഭിച്ചത് വടക്കൻ ജില്ലകളിലാണ് (കാസർഗോഡ്, കണ്ണൂർ, കോഴിക്കോട്).
കാലാവസ്‌ഥാ വകുപ്പിന്റെ കണക്ക് പ്രകാരം കണ്ണൂരിലാണ് ഏറ്റവും കൂടുതൽ (1432 മില്ലീമീറ്റർ) മഴ ലഭിച്ചതെങ്കിലും ജലസേചന വകുപ്പിന്റെ കണക്കിൽ കാസർഗോഡാണ് (1647 മില്ലീമീറ്റർ) കൂടുതൽ മഴ രേഖപ്പെടുത്തിയത്. (യാഥാർഥ്യവുമായി കൂടുതൽ അടുപ്പം ജലസേചന വകുപ്പിന്റെ കണക്ക് ആണ്).
Most Read| ഒരുദിവസം 2000 രൂപ ബജറ്റ്; യുവതി കണ്ടു തീർത്തത് 15 രാജ്യങ്ങൾ!
