കൊച്ചി: കേരളബാങ്ക് ഡയറക്ടര് ബോര്ഡ് തിരഞ്ഞെടുപ്പ് സ്റ്റേ ചെയ്ത് ഹൈക്കോടതി. മൂന്നാഴ്ചത്തേക്കാണ് നടപടികള് സ്റ്റേ ചെയ്തിരിക്കുന്നത്. കോവിഡ് പശ്ചാത്തലത്തില് ഇപ്പോള് തിരഞ്ഞെടുപ്പ് നടത്തുന്നത് നിലവിലുള്ള ചട്ടങ്ങളുടെ ലംഘനമാണെന്ന് ചൂണ്ടിക്കാട്ടിയാണ് ഹൈക്കോടതി നടപടി സ്വീകരിച്ചത്. നിലവിലെ സാഹചര്യത്തില് തിരഞ്ഞെടുപ്പ് നടത്തിയാല് സംസ്ഥാന സര്ക്കാരിന്റെ കോവിഡ് പ്രതിരോധ പ്രവര്ത്തനങ്ങളെ ബാധിക്കുമെന്നും രോഗവ്യാപനത്തിന് ഇടയാക്കിയേക്കാം എന്നും ജസ്റ്റിസ് രാജ വിജയരാഘവന് ചൂണ്ടിക്കാട്ടി.
അടുത്ത മാസം 25 നാണ് ഡയറക്ടര് ബോര്ഡ് തിരഞ്ഞെടുപ്പ് നടത്താന് തീരുമാനിച്ചിരുന്നത്. തിരഞ്ഞെടുപ്പിന് സര്ക്കാര് സ്വീകരിച്ച നടപടികള് ചട്ടവിരുദ്ധമാണെന്ന് ചൂണ്ടിക്കാണിച്ചുകൊണ്ട് കോണ്ഗ്രസ് നേതാക്കളായ ബാങ്ക് ഭരണസമിതി അധ്യക്ഷന്മാരാണ് ഹൈക്കോടതിയെ സമീപിച്ചത്. ഇന്ന് അന്തിമ വോട്ടര് പട്ടിക പുറത്തിറക്കാനിരിക്കെയാണ് സ്റ്റേ. ഹൈക്കോടതിയുടെ ഇടപെടലോടെ തിരഞ്ഞെടുപ്പ് അനിശ്ചിതമായി നീളാനാണ് സാധ്യത.
