ബെംഗളൂരു: ഓണത്തിന് കേരളത്തിലേക്ക് അനുവദിച്ച സ്‌പെഷ്യൽ ട്രെയിനുകൾ നീട്ടണമെന്ന ആവശ്യം ശക്‌തം. ബയ്യപ്പനഹള്ളി എസ്എംവിടി ടെർമിനലിൽ നിന്ന് തിരുവനന്തപുരത്തേക്ക് മൂന്ന് സ്‌പെഷ്യൽ ട്രെയിനുകളാണ് അനുവദിച്ചത്. ഇവ ദസറ, ദീപാവലി, ക്രിസ്‌മസ്‌ സീസണിലേക്കും നീട്ടണമെന്നാണ് ആവശ്യം.
ഇതിൽ നേരത്തെ വേനൽക്കാല സ്‌പെഷ്യലായി അനുവദിച്ച ട്രെയിനിന്റെ സർവീസ് പിന്നീട് ഈമാസം 26 വരെ നീട്ടിയിരുന്നു. ദസറ പൂജ അവധിക്ക് 25 മുതൽ 28 വരെയും ദീപാവലിക്ക് ഒക്‌ടോബർ 15 മുതൽ 18 വരെയുമാണ് കൂടുതൽ തിരക്ക്. ഈ ദിവസങ്ങളിൽ സ്‌പെഷ്യൽ ട്രെയിനുകൾ മുൻകൂട്ടി അനുവദിച്ചാൽ നാട്ടിലേക്ക് മടങ്ങുന്നവർക്ക് സൗകര്യപ്രദമാകും.
കൂടാതെ, മലബാറിലേക്കും രാത്രി സ്‌പെഷ്യൽ ട്രെയിൻ അനുവദിക്കാം. അശാസ്‌ത്രീയമായ സമയക്രമം കാരണം ഓണക്കാലത്ത് മലബാറിലേക്ക് അനുവദിച്ച സ്‌പെഷ്യൽ ട്രെയിനുകൾ ആളില്ലാ സീറ്റുകളുമായാണ് സർവീസ് നടത്തിയത്. അതേസമയം, ഓണം അവധിക്ക് ശേഷം ബെംഗളുരുവിലേക്ക് മടങ്ങുന്നവർക്കായി കേരള ആർടിസിയുടെ സ്‌പെഷ്യൽ ബസുകൾ 15 വരെ സർവീസ് നടത്തും. കർണാടക ആർടിസിയുടെ സ്‌പെഷ്യൽ ബസുകൾ 14 വരെയും തുടരും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
