കൊച്ചി: മറൈന് ഡ്രൈവിലെ ലിങ്ക് ഹൊറൈസന് ഫ്ളാറ്റിന്റെ ആറാം നിലയില്നിന്ന് വീണ വീട്ടുജോലിക്കാരി മരിച്ചു. സേലം സ്വദേശിനി കുമാരി(55)യാണ് മരിച്ചത്. ഫ്ളാറ്റിന് താഴെയുള്ള കാര് പോര്ച്ചിനു മുകളില് വീണ് പരുക്കേറ്റ് കിടക്കുന്ന നിലയിലായിരുന്നു കുമാരിയെ കണ്ടെത്തിയിരുന്നത്. തലക്ക് ഗുരുതര പരിക്കേറ്റ ഇവര് നഗരത്തിലെ സ്വകാര്യ ആശുപത്രിയില് വെന്റിലേറ്ററിലായിരുന്നു.
അഡ്വ. ഇംതിയാസ് അഹമ്മദിന്റെ ഉടമസ്ഥതയിലുള്ള ഫ്ളാറ്റിന്റെ ആറാം നിലയില് നിന്ന് ഈ മാസം 5ന് രാവിലെ ഏഴിനാണ് ഇവര് വീണത്. ആറാം നിലയുടെ ബാല്ക്കണിയില് നിന്ന് സാരി കൂട്ടിക്കെട്ടി പുറത്തേക്ക് ഊര്ന്നിറങ്ങി രക്ഷപ്പെടാന് ശ്രമിക്കുന്നതിനിടെ അപകടമുണ്ടായെന്നാണ് പോലീസിന്റെ നിഗമനം.
അപകടം നടന്നതിന് പിന്നാലെ കുമാരിയുടെ ഭര്ത്താവിന്റെ മൊഴിയുടെ അടിസ്ഥാനത്തില് ഫ്ളാറ്റ് ഉടമക്കെതിരെ സെന്ട്രല് പോലീസ് കേസെടുത്തിരുന്നു. എന്നാല്, വിശദമായ അന്വേഷണത്തില് അസ്വാഭാവിക വിവരമൊന്നും പോലീസിന് ലഭിച്ചില്ല. കുമാരിയുടേത് ആത്മഹത്യ ശ്രമം ആയിരുന്നെന്നാണ് പോലീസ് പറയുന്നത്.
അതേസമയം മോഷ്ടിച്ച പണവുമായി കടന്നുകളയാന് ശ്രമിക്കുന്നതിനിടെയാണ് അപകടമുണ്ടായതെന്ന് ആരോപിച്ച് ഫ്ളാറ്റ് ഉടമ ഇംതിയാസ് അഹമ്മദ് സിറ്റി പോലീസ് കമ്മീഷണര്ക്ക് പരാതി നല്കിയിരുന്നു. കോവിഡ് ലോക്ക്ഡൗണ് തുടങ്ങിയ ശേഷം നാട്ടിലേക്ക് മടങ്ങിയ ഇവര് അപകടം നടന്നതിന്റെ 10 ദിവസം മുമ്പാണ് തിരികെ ജോലിയില് പ്രവേശിച്ചത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
