കളഞ്ഞുകിട്ടിയ പണം ഉടമസ്ഥന് തിരികെ നൽകി മാതൃകയായിരിക്കുകയാണ് ഇടുക്കി സ്വദേശികളായ യുവാക്കൾ. കാഞ്ചിയാർ കൽത്തൊട്ടി സ്വദേശികളായ കടുപ്പിൽ അപ്പു, തെള്ളകത്ത് ജോബിൻ എന്നിവർക്കാണ് കെസി നഗർ റോഡിൽ നിന്ന് 70,000 രൂപ കളഞ്ഞുകിട്ടിയത്.
ഉടൻ ഇരുവരും ഈ പണം പ്രദേശവാസിയും ബ്ളോക്ക് പഞ്ചായത്ത് അംഗവുമായ ജോമോൻ തെക്കേലിന്റെ കൈവശം ഏൽപ്പിക്കുകയായിരുന്നു. ഉടമയെ തേടിയുള്ള അന്വേഷണത്തിൽ പണം കൽത്തൊട്ടി പനമനശ്ശേരിയിൽ ജോയിയുടേതാണെന്ന് കണ്ടെത്തുകയും തിരികെ നൽകുകയുമായിരുന്നു.
ശനിയാഴ്ച പണിക്കാർക്ക് കൂലി നൽകുന്നതിനായി പാന്റിന്റെ പോക്കറ്റിൽ സൂക്ഷിച്ചിരുന്ന പണം റോഡിൽ നഷ്ടപ്പെടുകയായിരുന്നു. കളഞ്ഞുകിട്ടിയ പണം ഉടമയ്ക്ക് തിരികെ നൽകി മാതൃകയായ യുവാക്കളെ പ്രദേശവാസികൾ അഭിനന്ദിച്ചു.
Most Read| 91ആം വയസിലും ‘ജിൽ’ മുത്തശ്ശി ‘ചിൽ’; എന്റമ്മോ ആർക്കും പറ്റില്ലെന്ന് കമന്റുകൾ
