കണ്ണൂർ: പഴയങ്ങാടിയിൽ മെഡിക്കൽ ഷോപ്പിൽ നിന്ന് മാറി നൽകിയ മരുന്ന് കഴിച്ച് പിഞ്ചുകുഞ്ഞ് ഗുരുതരാവസ്‌ഥയിലെന്ന് പരാതി. ചെറുകുന്ന് പൂങ്കാവിലെ എട്ടുമാസം പ്രായമുള്ള മുഹമ്മദാണ് കണ്ണൂരിലെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിൽസയിൽ കഴിയുന്നത്. ഡോക്‌ടർ നിർദ്ദേശിച്ച മരുന്നിന് പകരം വേറെ മരുന്ന് നൽകിയതായാണ് പരാതി.
കുട്ടിയുടെ കരളിന് ഗുരുതര തകരാർ സംഭവിച്ചതിനാൽ കരൾ മാറ്റിവെയ്‌ക്കണമെന്നാണ് ഡോക്‌ടർമാർ നിർദ്ദേശിച്ചതെന്ന് ബന്ധുക്കൾ പറയുന്നു. പഴയങ്ങാടി ടൗണിലെ ഖദീജ മെഡിക്കൽസിൽ നിന്നാണ് ഇക്കഴിഞ്ഞ എട്ടാം തീയതി പനിക്കുള്ള മരുന്ന് വാങ്ങിയതെന്നും അത് കഴിച്ചതിനെ തുടർന്ന് കുഞ്ഞ് ഗുരുതരാവസ്‌ഥയിലായെന്നും കുഞ്ഞിന്റെ പിതൃസഹോദരൻ ഇപി അഷ്റഫ് പഴയങ്ങാടി പോലീസിന് നൽകിയ പരാതിയിൽ പറയുന്നു. പരാതിയിൽ പോലീസ് അന്വേഷണം നടക്കുന്നുണ്ട്.
Most Read| രണ്ടാം ഭാര്യയുടെ പ്രേതത്തെ പേടി, 36 വർഷമായി സ്‌ത്രീ വേഷം കെട്ടി ജീവിക്കുന്ന പുരുഷൻ
