ഗോവ: ഐഎസ്എല്ലിൽ ഇന്ന് ഒഡിഷ എഫ്സി- എഫ്സി ഗോവ പോരാട്ടം. വൈകിട്ട് ഏഴരയ്ക്ക് തിലക് മൈതാനിലാണ് മൽസരം അരങ്ങേറുക.
വിജയ വഴിയിലേക്ക് തിരിച്ചെത്താനാണ് ഒഡിഷ ഇന്ന് കളത്തിലിറങ്ങുക. ആദ്യ രണ്ട് മൽസരവും ജയിച്ച ഒഡിഷയ്ക്ക് പിന്നീടങ്ങോട്ട് ഫോം നിലനിർത്താൻ സാധിച്ചിരുന്നില്ല. ഒറ്റഗോൾ ബലത്തിൽ നോർത്ത് ഈസ്റ്റിനെ വീഴ്ത്തിയെങ്കിലും കേരളാ ബ്ളാസ്റ്റേഴ്സിനോടും ജംഷഡ്പൂർ എഫ്സിയോടും ചെന്നൈയിനോടും ഒഡിഷ തോൽവി ഏറ്റുവാങ്ങി.
ഇതുവരെ ടൂർണമെന്റിൽ 12 ഗോളടിച്ച ഒഡിഷ 13 എണ്ണം വഴങ്ങുകയും ചെയ്തു. നാല് ഗോളടിച്ച ജാവി ഹെർണാണ്ടസാണ് ഒഡിഷയുടെ ടോപ് സ്കോറർ.
മറുവശത്ത് മുൻ ജേതാക്കളായ എഫ്സി ഗോവയും വിജയ പ്രതീക്ഷയിലാണ്. ആദ്യ മൂന്ന് കളികളിലും തോറ്റ ഗോവ പിന്നീടുള്ള രണ്ട് മൽസരങ്ങളിൽ ജയിച്ചു. കഴിഞ്ഞ മൽസരത്തിൽ ഹൈദരാബാദിനോട് സമനില വഴങ്ങി.
അതേസമയം ബെംഗളൂരുവിനെതിരെ ചുവപ്പ് കാർഡ് കണ്ട സ്ട്രൈക്കർ ജോർജ് ഓർട്ടിസ് മെൻഡോസ ടീമിൽ തിരകെയെത്തുന്നത് ഗോവയുടെ കരുത്ത് കൂട്ടും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
