കണ്ണൂരിലും റാഗിങ്; പ്ളസ് വൺ വിദ്യാർഥിയുടെ എല്ലൊടിച്ചു- കേസ്
കൊളവല്ലൂർ പിആർഎം മെമ്മോറിയൽ ഹയർ സെക്കൻഡറി സ്കൂളിലാണ് സംഭവം. പാറോട് തളിയന്റവിട മുഹമ്മദ് നിഹാലിനാണ് റാഗിങ് നേരിടേണ്ടി വന്നത്. നോട്ടം ശരിയല്ല, ബഹുമാനിക്കുന്നില്ല എന്നീ കാരണത്താലാണ് നിഹാലിനെ പ്ളസ് ടു വിദ്യാർഥികൾ മർദ്ദിച്ചതെന്നാണ് വിവരം.
പാനൂർ: കണ്ണൂരിലും റാഗിങ് പരാതി. കൊളവല്ലൂരിൽ പ്ളസ് വൺ വിദ്യാർഥിയെ മർദ്ദിച്ച് എല്ലൊടിച്ചതായാണ് പരാതി. കോട്ടയം സർക്കാർ നഴ്സിങ് കോളേജിലെ ക്രൂര റാഗിങ്ങിന്റെ ഞെട്ടൽ മാറും മുൻപേയാണ് കണ്ണൂരിലും സമാന സംഭവം നടന്നതായുള്ള റിപ്പോർട് പുറത്തുവരുന്നത്. കൊളവല്ലൂർ പിആർഎം മെമ്മോറിയൽ ഹയർ സെക്കൻഡറി സ്കൂളിലാണ് സംഭവം.
നോട്ടം ശരിയല്ല, ബഹുമാനിക്കുന്നില്ല എന്നീ കാരണത്താലാണ് പ്ളസ് വൺ വിദ്യാർഥിയെ പ്ളസ് ടു വിദ്യാർഥികൾ മർദ്ദിച്ചതെന്നാണ് വിവരം. സംഭവത്തിൽ പ്ളസ് ടു വിദ്യാർഥികളായ അഞ്ചുപേരെ പ്രതിചേർത്ത് പോലീസ് എഫ്ഐആർ രജിസ്റ്റർ ചെയ്തിട്ടുണ്ട്. ബുധനാഴ്ച രാത്രിയാണ് സംഭവം. പാറോട് തളിയന്റവിട മുഹമ്മദ് നിഹാലിനാണ് റാഗിങ് നേരിടേണ്ടി വന്നത്.
പ്ളസ് ടു വിദ്യാർഥികളെ അനുസരിച്ചില്ലെന്ന് പറഞ്ഞ് ആക്രമിച്ചതായാണ് പരാതി. നിലത്തിട്ട് വലിച്ചതായും ആരോപണമുണ്ട്. തോളെല്ലിന് പരിക്കേറ്റ നിഹാലിനെ ശത്രക്രിയയ്ക്ക് വിധേയനാക്കി. നിഹാൽ തലശ്ശേരി സഹകരണ ആശുപത്രിയിൽ ചികിൽസയിലാണ്. സംഭവം ചർച്ച ചെയ്യാൻ ഇന്ന് പിടിഎ യോഗം വിളിച്ചിട്ടുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
