കറാച്ചിയില്‍ സ്ഫോടനത്തില് തകര്‍ന്ന ബഹുനില കെട്ടിടം
(ഫോട്ടോ കടപ്പാട്: AP)
കറാച്ചി: പാകിസ്‌ഥാനിലെ കറാച്ചിയില്‍ ബഹുനില കെട്ടിടത്തിലുണ്ടായ സ്ഫോടനത്തില് മൂന്ന് പേര്‍ മരിച്ചതായും 15 പേര്‍ക്ക് പരിക്കേറ്റതായും എഥി ഫൗണ്ടേഷന്‍ അധികൃതര്‍ അറിയിച്ചു. പരിക്കേറ്റവരെ പട്ടേല്‍ ആശുപത്രിയിലേക്ക് മാറ്റിയതായി പാക് മാദ്ധ്യമമായ ഡോണ്‍ റിപ്പോര്‍ട്ട് ചെയ്‌തു.
മസ്‌കാന്‍ ചൗരംഗിയിലെ ഗുല്‍ഷന്‍-ഇ-ഇഖ്ബാല്‍ മേഖലയിലാണ് സ്‌ഫോടനമുണ്ടായത്. ഇവിടെ ഒരു ബഹുനില കെട്ടിടത്തിലെ രണ്ടാം നിലയിലാണ് സ്‌ഫോടനം നടന്നതെന്നാണ് കരുതുന്നത്. എന്നാല്‍ സ്‌ഫോടനത്തിന്റെ യഥാര്‍ഥ കാരണം ഇനിയും വ്യക്‌തമായിട്ടില്ല. ഗ്യാസ് സിലിണ്ടര്‍ പൊട്ടിത്തെറിച്ചാകാം അപകടമുണ്ടായത് എന്നാണ് പൊലീസിന്റെ പ്രാഥമിക നിഗമനം.
ബോംബ് നിര്‍മാര്‍ജന സ്‌ക്വാഡ് പരിശോധനക്ക് ശേഷമേ ഇത് സംബന്ധിച്ച് കൂടുതല്‍ സ്‌ഥിരീകരണം ഉണ്ടാവുകയുള്ളു എന്ന് മുബീന ടൗണ്‍ പൊലീസ് എസ്എച്ച്ഒ അറിച്ചു.
അപകടത്തില്‍ കെട്ടിടത്തിന്റെ ഭൂരിഭാഗവും തകര്‍ന്ന നിലയിലാണ്. കൂടാതെ പൊട്ടിത്തെറിയുടെ ആഘാതത്തില്‍ സമീപത്തെ കെട്ടിടങ്ങളുടെ ജനലുകള്‍ക്കും ചില വാഹനങ്ങള്‍ക്കും കേടുപാടുകള്‍ സംഭവിച്ചതായും ദൃക്‌സാക്ഷികള്‍ അറിയിച്ചു.
അവശിഷ്‌ടങ്ങള്‍ക്കിടയില്‍ ആളുകള്‍ കുടുങ്ങി കിടക്കുന്നുണ്ടോയെന്ന സംശയവും നിലവിലുണ്ട്. ഇവിടെ രക്ഷാപ്രവര്‍ത്തനം പുരോഗമിക്കുകയാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
