കൊല്ലം: മകളുമായുള്ള സൗഹൃദത്തിന്റെ പേരിൽ യുവാവിനെ പിതാവ് കുത്തിക്കൊലപ്പെടുത്തിയ സംഭവം ദുരഭിമാനക്കൊലയല്ലെന്ന് പോലീസ്. ഇരവിപുരം നാൻസി വില്ലയിൽ അരുൺ കുമാറിനെ കൊലപ്പെടുത്തിയ കേസിലെ പ്രതി ഇരവിപുരം വഞ്ചിക്കോവിൽ സ്വദേശി പ്രസാദ് മദ്യലഹരിയിലാണ് കൊലപാതകം നടത്തിയതെന്ന് പോലീസ് പറയുന്നു.
അരുണിന്റെ ശ്വാസകോശത്തിലെ മുറിവാണ് മരണകാരണമായത്. പ്രസാദിന്റെ മകളുമായി അരുൺ സൗഹൃദത്തിലായിരുന്നു. മുമ്പും അരുണിനെ പ്രസാദ് ഭീഷണപ്പെടുത്തിയിരുന്നു. ഇരവിപുരം പോലീസിൽ ഇതുസംബന്ധിച്ച് പരാതിയും നൽകിയിരുന്നു. വിവാഹം നടത്തിക്കൊടുക്കാമെന്ന് പ്രസാദ് പിന്നീട് പറഞ്ഞു. ബന്ധുക്കളുടെ വിവാഹ ചടങ്ങുകളിൽ ഉൾപ്പടെ പ്രസാദ് അരുണിനെയും പങ്കെടുപ്പിച്ചിരുന്നു.
ഓണാഘോഷത്തിനും അരുണിനെ പ്രസാദ് വിളിച്ചു. എന്നാൽ, മദ്യലഹരിയിൽ അരുണമായി വാക്കേറ്റമുണ്ടായ ശേഷം പ്രസാദ് കുത്തുകയായിരുന്നു. പ്രസാദിനെ കൊല്ലം ജുഡീഷ്യൽ ഫസ്‌റ്റ് ക്ളാസ് മജിസ്ട്രേറ്റ് കോടതി-ഒന്ന് റിമാൻഡ് ചെയ്‌തിരിക്കുകയാണ്. കുരീപ്പുഴ വെസ്‌റ്റ് ഇരട്ടക്കട വലിയക്കാവ് നഗറിലാണ് സംഭവം നടന്നത്. അരുണിനെ കുത്തിയ ശേഷം പ്രസാദ് ശക്‌തികുളങ്ങര പോലീസിൽ കീഴടങ്ങുകായായിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
