തിരുവനന്തപുരം: കെഎസ്ആര്ടിസിയിൽ വീണ്ടും പെന്ഷന് മുടങ്ങി. ഈ സാമ്പത്തിക വര്ഷത്തെ ബജറ്റ് വിഹിതം പൂര്ണമായും നല്കിയതോടെ പെൻഷൻ മുടങ്ങുകയായിരുന്നു. പെന്ഷന്കാരുടെ സംഘടനയും കുടംബാംഗങ്ങളും സര്ക്കാരിനെതിരെ പ്രതിഷേധവുമായി രംഗത്തെത്തി.
കഴിഞ്ഞ ബജറ്റില് 1000 കോടിയാണ് കെഎസ്ആര്ടിസിക്ക് വകയിരുത്തിയത്. കോവിഡ് വ്യാപനം കനത്ത വരുമാന നഷ്ടത്തിലേക്ക് നയിച്ചതോടെ ശമ്പള വിതരണത്തിനായി പൂർണമായും സർക്കാരിനെ ആശ്രയിക്കേണ്ട സാഹചര്യം വന്നു.
ശമ്പള പരിഷ്കരണം വൈകിയ സാഹചര്യത്തില്, ജീവനക്കാര്ക്ക് ശമ്പളത്തോടൊപ്പം 1500 രൂപ ഇടക്കാലാശ്വാസം നല്കുന്നുണ്ട്. മൂന്ന് ഡിഎ കുടിശിക കഴിഞ്ഞ മാസത്തെ ശമ്പളത്തോടൊപ്പം നല്കി. ഇതിനുള്ള അധിക തുകയും സര്ക്കാർ സഹായത്തില് നിന്നെടുത്തു. സഹകരണ ബാങ്കുകള് വഴിയാണ് പെന്ഷന് നല്കുന്നത്.
9 ശതമാനം പലിശ ഉള്പ്പെടെ സഹകരണ ബാങ്കുകള്ക്ക് സര്ക്കാര് നല്കും. ബജറ്റ് വിഹിതം പൂര്ണമായും നല്കി കഴിഞ്ഞ സാഹചര്യത്തിലാണ് പെൻഷൻ വിതരണം മുടങ്ങിയത്. പ്രതിസന്ധി പരിഹരിക്കാന് ധനവകുപ്പില് ശ്രമം തുടങ്ങിയിട്ടുണ്ട്.
വിവിധ വകുപ്പുകളിലെ ബജറ്റ് വിഹിത വിനിയോഗം പരിശോധിച്ച്, നീക്കിയിരിപ്പുള്ള തുക കെഎസ്ആർടിസി പെൻഷന് വേണ്ടി സഹകരണ ബാങ്കുകള്ക്ക് കൈമാറാനാണ് ആലോചന. അവധി ദിവസങ്ങളും ബാങ്ക് പണിമുടക്കും കണക്കിലെടുക്കുമ്പോള് ഇതും നീളാനാണ് സാധ്യത.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
