ന്യൂഡെൽഹി: സർക്കാർ ഉദ്യോഗസ്‌ഥരെയോ സർക്കാർ പദവികൾ വഹിക്കുന്നവരെയോ സംസ്‌ഥാന തിരഞ്ഞെടുപ്പ് കമ്മീഷണർമാരായി നിയമിക്കരുതെന്ന് സുപ്രീം കോടതി. തിരഞ്ഞെടുപ്പ് കമ്മീഷണർമാർ നിഷ്‌പക്ഷർ ആയിരിക്കണമെന്നും അതിനാൽ സർക്കാർ ഉദ്യോഗസ്‌ഥർ ആകരുതെന്നും കോടതി വ്യക്‌തമാക്കി.
കേരളത്തിൽ ഉൾപ്പടെ മിക്ക സംസ്‌ഥാനങ്ങളിലും സർക്കാർ ഉദ്യോഗസ്‌ഥൻമാരാണ് സ്‌ഥാന തിരഞ്ഞെടുപ്പ് കമ്മീഷണർമാരായി ചുമതല വഹിക്കുന്നത്. ഗോവയിലെ നിയമ സെക്രട്ടറിയെ സംസ്‌ഥാന തിരഞ്ഞെടുപ്പ് കമ്മീഷണറായി നിയമിച്ച ഉത്തരവ് റദ്ദാക്കിക്കൊണ്ടാണ് സുപ്രീം കോടതിയുടെ ഉത്തരവ്. ജസ്‌റ്റിസ്‌ റോഹിങ്ടൻ നരിമാൻ അധ്യക്ഷനായ ബെഞ്ചാണ് ഉത്തരവ് പുറപ്പെടുവിച്ചത്.
Read also: ജയ്‌പൂരിൽ ക്ഷേത്രത്തിലെ പ്രസാദം കഴിച്ച ഭക്‌തർ അവശനിലയിൽ; ഭക്ഷ്യ വിഷബാധയെന്ന് സംശയം
