തിരുവനന്തപുരം: നാമനിർദ്ദേശ പത്രിക പിൻവലിക്കാനുള്ള സമയം ഇന്ന് കഴിഞ്ഞതോടെ സംസ്ഥാനത്തെ 20 ലോക്സഭാ മണ്ഡലങ്ങളിൽ മൽസരിക്കുന്ന സ്ഥാനാർഥികളുടെ അന്തിമചിത്രം തെളിഞ്ഞു. 194 സ്ഥാനാർഥികളാണ് മൽസരരംഗത്തുള്ളത്. ഇന്ന് പത്ത് പേരാണ് പത്രിക പിൻവലിച്ചത്.
കോട്ടയം മണ്ഡലത്തിലാണ് ഏറ്റവുമധികം സ്ഥാനാർഥികളുള്ളത് (14). ഏറ്റവും കുറച്ചു സ്ഥാനാർഥികൾ ഉള്ളത് ആലത്തൂരിലാണ് (5). കോഴിക്കോട് 13ഉം കൊല്ലത്തും കണ്ണൂരും 12 വീതവും സ്ഥാനാർഥികളുണ്ട്. സംസ്ഥാനത്ത് ആകെയുള്ള 194 സ്ഥാനാർഥികളിൽ 25 പേർ സ്ത്രീകളാണ്. പുരുഷൻമാർ 169. ഏറ്റവുമധികം വനിതാ സ്ഥാനാർഥികൾ ഉള്ളത് വടകര മണ്ഡലത്തിലാണ്. നാലുപേർ.
തിരുവനന്തപുരം, മാവേലിക്കര, ഇടുക്കി, ചാലക്കുടി, തൃശൂർ, പാലക്കാട്, മലപ്പുറം, വയനാട്, വടകര എന്നിവിടങ്ങളിലാണ് സ്ഥാനാർഥികൾ പത്രിക പിൻവലിച്ചത്. അന്തിമ സ്ഥാനാർഥി പട്ടിക തയ്യാറായതിന് പിന്നാലെ സ്ഥാനാർഥികൾക്ക് തിരഞ്ഞെടുപ്പ് കമ്മീഷൻ ചിഹ്നങ്ങളും അനുവദിച്ചു നൽകി.
Most Read| ഇത് ഇന്ത്യക്കാരി പശു; ബ്രസീലിൽ വിറ്റ വില കേട്ടാൽ ഞെട്ടും!
