മലപ്പുറം: ജനവാസ മേഖലയിലിറങ്ങിയ കാട്ടുപോത്തിന്റെ കുത്തേറ്റ യുവാവ് മരിച്ചു. കരുവാരക്കുണ്ട് കുണ്ടോട സ്വദേശി ഷാജിയാണ് മരിച്ചത്. ഇന്ന് രാവിലെയാണ് സംഭവം. ഗുരുതര പരിക്കേറ്റ ഷാജിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
കുണ്ടോട, കക്കറ എന്നിവടങ്ങളിലാണ് ഭീതി പരത്തി കാട്ടുപോത്ത് ഇറങ്ങിയത്. വിരണ്ടോടിയ കാട്ടുപോത്ത് പ്രദേശത്തെ വീടുകളിലേക്ക് കയറാൻ ശ്രമിച്ചതായി നാട്ടുകാർ പറഞ്ഞു. പോത്തിനെ ഓടിക്കുന്നതിനിടെയാണ് ഷാജിക്ക് പരിക്കേറ്റത്. ഇയാളെ ഉടൻ പെരിന്തൽമണ്ണയിലെ സ്വകാര്യ ആശുപത്രിയിൽ എത്തിച്ചെങ്കിലും മരണപ്പെട്ടു.
കാട്ടുപോത്തിന്റെ ആക്രമണത്തിൽ സ്കൂട്ടറിനും കേടുപാടുകൾ സംഭവിച്ചിരുന്നു. ഏറെ നേരത്തെ നാട്ടുകാരുടെ പരിശ്രമത്തിന് ശേഷമാണ് പോത്ത് തിരികെ കാടുകയറിയത്. കാളികാവ് ഫോറസ്റ്റ് സ്റ്റേഷൻ അധികൃതരും സ്ഥലത്തെത്തിയിരുന്നു.
Malabar News: ഇരിട്ടിയിൽ മദ്യവേട്ട; 360 കുപ്പി മദ്യം പിടികൂടി
