കണ്ണൂർ: ഇരിട്ടിയിൽ വൻ മദ്യവേട്ട. വാഹന പരിശോധനക്കിടെയാണ് കർണാടകയിൽ നിന്നും കൊണ്ടുവരികയായിരുന്ന മദ്യം പിടികൂടിയത്. സംഭവത്തിൽ രണ്ടുപേരെ അറസ്റ്റ് ചെയ്തു.
സബീഷ് കണ്ണവം, ലെനി പോൾ പേരാവൂർ എന്നിവരാണ് പിടിയിലായത്. ഇവരിൽ നിന്നും 360 കുപ്പി കർണാടക മദ്യം പിടികൂടി. പച്ചക്കറി വണ്ടിയിലാണ് പ്രതികൾ മദ്യം ഒളിച്ചുകടത്താൻ ശ്രമിച്ചത്.
ഡിവൈഎസ്പി പ്രിൻസ് എബ്രഹിമിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ആയിരുന്നു വാഹന പരിശോധന. ഇരിട്ടി എസ്ഐ അബ്ബാസ് അലി, എസ്ഐ നാസർ പൊയിലൻ, സീനിയർ സിവിൽ പോലീസ് ഓഫീസർ അബ്ദുൽ റഷീദ് വിളക്കോട്, വനിതാ സിപിഒ സൗമ്യ, നിജേഷ് എന്നിവരായിരുന്നു പരിശോധനക്കിടെ മദ്യം പിടികൂടിയത്.
Malabar News: ടൗട്ടെ ചുഴലിക്കാറ്റ്; 9 വീടുകൾ പൂർണമായും തകർന്നു, 135.48 ലക്ഷത്തിന്റെ കൃഷിനാശം