തിരുവനന്തപുരം: കെഎസ്ആർടിസി ബസിൽ യാത്ര ചെയ്യുന്നവർക്ക് കർശന മുന്നറിയിപ്പ്. ഇനിമുതൽ ബസിൽ കുപ്പിയും മാലിന്യവും വലിച്ചെറിഞ്ഞാൽ നടപടിയെടുക്കുമെന്നും ഒരുത്തനും എന്ത് പറഞ്ഞാലും വകവയ്ക്കില്ലെന്നും മന്ത്രി കെബി ഗണേഷ് കുമാർ പറഞ്ഞു.
ടൺ കണക്കിന് മാലിന്യമാണ് കെഎസ്ആർടിസി ബസിൽ നിന്നും മാറ്റിയത്. ബസിനകത്ത് പ്ളാസ്റ്റിക് കുപ്പിയിട്ടാൽ പിടിക്കും. നടപടിയെടുക്കും. അത് ഇനി ആരും ഫേസ്ബുക്കിലും വാട്സ് ആപ്പിലും എഴുതി മെനക്കെടേണ്ട. താൻ മന്ത്രി ആയിരിക്കുന്നിടത്തോളം കാലം നടപടിയെടുക്കുമെന്നും ഗണേഷ് കുമാർ പറഞ്ഞു.
”എല്ലാ സൂപ്പർ ഫാസ്റ്റ് ബസുകളിലും മാലിന്യം ഇടാനുള്ള ബോക്സ് വച്ചിട്ടുണ്ട്. പുതിയ ബസുകളിലെല്ലാം ഇതുണ്ട്. വണ്ടിയുടെ ഡാഷിന് മുന്നിൽ കുപ്പിയിടുന്ന ഡ്രൈവർമാർക്കെതിരെ നടപടിയെടുക്കും. ഡ്രൈവർക്ക് എതിരെ മാത്രമല്ല, ആ വണ്ടി പരിശോധിക്കാതെ വിട്ടവനെതിരെയും നടപടിയെടുക്കും. തെറ്റ് കണ്ടാൽ തെറ്റ് തന്നെയാണ്. കെഎസ്ആർടിസി ജീവനക്കാർക്ക് ഒന്നാം തീയതി ശമ്പളം കൊടുത്തപ്പോൾ ഇവൻമാരെ ആരെയും കണ്ടില്ലല്ലോ.
കെഎസ്ആർടിസിയുടെ പടം ഇട്ടാൽ ലക്ഷക്കണക്കിന് ആൾക്കാർ കാണും. അപ്പോൾ കെഎസ്ആർടിസിയെ തെറി വിളിച്ചാൽ എന്റെ പേരും പ്രശസ്തമാകും എന്നാണ് ചിലരുടെ ധാരണ. അങ്ങനെ കുറച്ചു അലവലാതികൾ ഇറങ്ങിയിട്ടുണ്ട്. ഉത്തരവ് പാലിക്കാത്തതാണ് ചോദിച്ചത്. അതിനിയും ചോദിക്കും. ഏതവൻ പറഞ്ഞാലും ചോദിക്കും. ഇതും എടുത്ത് ഫേസ്ബുക്കിൽ ഇട്ടോ”- ഗണേഷ് കുമാർ പറഞ്ഞു.
Most Read| ഹമാസിനെ നിരായുധീകരിക്കും, കൂടുതൽ കാലതാമസം ട്രംപ് അംഗീകരിക്കില്ല; നെതന്യാഹു
