ന്യൂഡെൽഹി: ഇന്ത്യൻ നിർമിത മിസൈൽ അബദ്ധത്തിൽ പാകിസ്ഥാനിൽ പതിച്ച സംഭവത്തിൽ പാകിസ്ഥാൻ തിരിച്ചടിക്കാൻ പദ്ധതിയിട്ടിരുന്നതായി റിപ്പോർട്. മാർച്ച് ഒൻപതിന് ഒരു മിസൈൽ അബദ്ധത്തിൽ വിക്ഷേപിക്കപ്പെടുകയും അത് പാകിസ്ഥാനിൽ ചെന്ന് പതിക്കുകയും ചെയ്തിരുന്നു. അബദ്ധത്തിൽ സംഭവിച്ചതാണെന്ന് പ്രതിരോധമന്ത്രി രാജ്നാഥ് സിങ് പാർലമെന്റിൽ വിശദീകരിക്കുകയും ചെയ്തു. ഇതിന് പിന്നാലെയാണ് ഇന്ത്യക്ക് തിരിച്ചടി നൽകാൻ പാകിസ്ഥാൻ ഒരുങ്ങിയിരുന്നു എന്ന റിപ്പോർട് പുറത്തുവന്നത്.
സമാനമായ മിസൈൽ ഇന്ത്യയിലേക്ക് വിക്ഷേപിക്കാനായിരുന്നു പാക് പദ്ധതിയെന്ന് വാർത്താ ഏജൻസിയായ ബ്ളൂംബർഗ് റിപ്പോർട് ചെയ്തു. പ്രാഥമിക തയ്യാറെടുപ്പുകൾക്കിടെ എന്തോ തകരാർ ശ്രദ്ധയിൽ പെട്ടതിനെ തുടർന്നാണ് പാകിസ്ഥാൻ ഈ നീക്കം ഉപേക്ഷിച്ചതെന്നും റിപ്പോർട്ടിൽ പറയുന്നു.
മാർച്ച് 9ന് പഞ്ചാബിലെ അംബാലയിൽ നിന്നാണ് ഇന്ത്യൻ വ്യോമസേന അബദ്ധത്തിൽ ബ്രഹ്മോസ് മധ്യദൂര ക്രൂയിസ് മിസൈൽ വിക്ഷേപിച്ചത്. പാകിസ്ഥാനിൽ ചെന്ന് പതിച്ച മിസൈൽ ചില വീടുകൾക്ക് കേടുപാടുകൾ വരുത്തിയെങ്കിലും ആളപായം ഒന്നും ഉണ്ടാകാതിരുന്നത് ആശ്വാസമായി.
സംഭവത്തിൽ പാകിസ്ഥാൻ ഉന്നതതല കോടതി അന്വേഷണത്തിന് ഉത്തരവിട്ടിട്ടുണ്ട്. ഇന്ത്യ ഖേദപ്രകടനം നടത്തിയെങ്കിലും ഇത് തൃപ്തികരമല്ലെന്നാണ് പാകിസ്ഥാന്റെ നിലപാട്. തുടർന്നാണ് ഉന്നതതല കോടതി അന്വേഷണത്തിന് പാകിസ്ഥാൻ ഉത്തരവിട്ടിരിക്കുന്നത്. സംഭവത്തില് സംയുക്ത അന്വേഷണം വേണമെന്നും പാകിസ്ഥാൻ ആവശ്യപ്പെട്ടിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
