ഷാര്ജ: യുഎഇയില് കാണാതായിരുന്ന ഇന്ത്യന് ബാലനെ കാറിനുള്ളില് മരിച്ച നിലയില് കണ്ടെത്തി. എട്ടു വയസുകാരന് വേണ്ടിയുള്ള തിരച്ചില് തുടരുന്നതിനിടെയാണ് അയല്വാസിയുടെ കാറിനുള്ളില് കുട്ടിയ ചലനമറ്റ നിലയില് കണ്ടെത്തിയത്.
ഷാര്ജ അല് നാസിരിയയിലാണ് സംഭവം. കുട്ടിയെ കാണാനില്ലെന്ന് കാണിച്ച് ഞായറാഴ്ച രാവിലെ അല് ഗര്ബ് പോലീസ് സ്റ്റേഷനില് മാതാപിതാക്കള് പരാതി നല്കിയിരുന്നു. തുടര്ന്ന് നടത്തിയ തിരച്ചിലിലാണ് കാറിനുള്ളില് കുട്ടിയുടെ മൃതദേഹം കണ്ടെത്തിയത്.
ഉടന് പോലീസ് ഓപ്പറേഷന്സ് റൂമില് വിവരമറിയിക്കുകയും പോലീസ് പട്രോള് സംഘവും ആംബുലന്സും സ്ഥലത്തെത്തി പരിശോധന നടത്തുകയും ചെയ്തു. മൃതദേഹം ശാസ്ത്രീയ പരിശോധനക്കായി ഫോറന്സിക് ലബോറട്ടറിയിലേക്ക് അയച്ചിട്ടുണ്ട്. സംഭവത്തില് പബ്ളിക് പ്രോസിക്യൂഷന് അന്വേഷണം പുരോഗമിക്കുകയാണ്.
Most Read: വൈറൽ ഓഡിയോ; മുകേഷ് എംഎൽഎക്കെതിരെ ബാലാവകാശ കമ്മീഷന് പരാതി
