ന്യൂഡെൽഹി: എംപിമാരുടെ പ്രാദേശിക വികസന ഫണ്ട് പുനഃസ്ഥാപിച്ചു. കേന്ദ്ര മന്ത്രിസഭാ യോഗത്തിലായിരുന്നു തീരുമാനം. ഈ സാമ്പത്തികവര്ഷം രണ്ട് കോടി രൂപ അനുവദിക്കാനും തീരുമാനമായി. 2025–26 സാമ്പത്തികവര്ഷം വരെ ഇത് തുടരും. അടുത്ത സാമ്പത്തിക വര്ഷം മുതല് അഞ്ചുകോടി രൂപ വീതമാകും. ഭരണകക്ഷി എംപിമാരടക്കം ആവശ്യം ഉന്നയിച്ച് രംഗത്തെത്തിയതിന്റെ പശ്ചാത്തലത്തിലാണ് വികസന ഫണ്ട് പുനഃസ്ഥാപിക്കാൻ കേന്ദ്രം തീരുമാനിച്ചത്.
മണ്ഡലത്തിലെ വികസന പ്രവർത്തനങ്ങൾക്ക് ഉപയോഗിക്കാൻ പ്രതിവർഷം 5 കോടി രൂപ വീതം എംപി ഫണ്ടായി നൽകി വന്നിരുന്നത് കോവിഡ് പ്രതിന്ധിയെ തുടർന്ന് കേന്ദ്ര സർക്കാർ നിർത്തിവെക്കുകയായിരുന്നു. 2019ൽ പുതിയ ലോക്സഭ നിലവിൽ വന്നിട്ട് ആദ്യ വർഷമായ 2019–20ൽ ഒഴികെ ഇതുവരെ എംപി ഫണ്ട് ഇനത്തിൽ പണം നൽകിയിട്ടില്ല.
Also Read: അധോലോക ബന്ധം പരാമർശം; നവാബ് മാലിക്കിനെതിരെ ദേവേന്ദ്ര ഫഡ്നാവിസ്
