തിരുവനന്തപുരം: കോവിഡ് വ്യാപനം ഏറ്റവുമുയര്‍ന്ന് നില്‍ക്കുന്ന വിദേശ രാജ്യങ്ങളില്‍ കണ്ടുവന്നിരുന്ന, കുട്ടികളെ ബാധിക്കുന്ന മള്‍ട്ടിസിസ്‌റ്റം ഇന്‍ഫ്‌ളമേറ്ററി സിന്‍ഡ്രോം കേരളത്തിലും പ്രകടമാവുന്നതായി റിപ്പോര്‍ട്ട്. വിദേശ രാജ്യങ്ങള്‍ക്ക് പുറമെ കോവിഡ് വ്യാപനം രൂക്ഷമായുള്ള മഹാരാഷ്‌ട്ര, തമിഴ്നാട് എന്നീ സംസ്‌ഥാനങ്ങളിലും ഈ രോഗം റിപ്പോര്‍ട്ട് ചെയ്‌തിരുന്നു.
കോവിഡ് വ്യാപനത്തിന് പിന്നാലെ കുട്ടികളെ ബാധിക്കുന്ന ഈ പുതിയ രോഗാവസ്ഥ കേരളത്തിലും വര്‍ധിക്കുന്നത് ആശങ്കക്ക് ഇടയാക്കുകയാണ്.
കോവിഡ് വൈറസ് ബാധിച്ചിട്ടും അത് പ്രകടിപ്പിക്കാത്തതോ തിരിച്ചറിയാതെ പോയിട്ടുള്ളതോ ആയ കുട്ടികളിലാണ് ഈ രോഗാവസ്ഥ കൂടുതലായും കണ്ടുവരുന്നത്. ഹൃദയ പേശികളെ ബാധിക്കുന്ന ഈ രോഗാവസ്ഥ പതിയെ കരലളിനേയും വൃക്കയേയും ബാധിക്കുന്നുണ്ട്. രക്‌തസമ്മര്‍ദ്ദം കുറയുന്ന അവസ്‌ഥയും പ്രകടമാണ്.
കോവിഡ് സ്‌ഥിരീകരിച്ച് ആഴ്‌ചകള്‍പ്പുറവും കുട്ടികളില്‍ മള്‍ട്ടി സിസ്‌റ്റം ഇന്‍ഫ്‌ളമേറ്ററി സിന്‍ഡ്രോം കണ്ട് വരുന്നുണ്ടെന്നാണ് ആരോഗ്യ രംഗത്തെ വിദഗ്ധര്‍ പറയുന്നത്.
കോഴിക്കോടാണ് ഏഷ്യയില്‍ തന്നെ ആദ്യമായി ഈ രോഗം കണ്ടെത്തുന്നത്. കഴിഞ്ഞ ആഴ്‌ചയാണ് രോഗം സ്ഥിരീകരിക്കുന്നത്. സംസ്‌ഥാനത്ത് കോവിഡ് വ്യാപനം രൂക്ഷമാകുന്ന നിലവിലെ സാഹചര്യത്തില്‍ ഇരുപത്തിയഞ്ചോളം കുട്ടികളിലാണ് ഇതുവരെയും രോഗം സ്‌ഥിരീകരിച്ചിട്ടുള്ളത്.
പനി, വയറുവേദന, വയറിളക്കം, കണ്ണിലും വായിലും ശരീരത്തിലും ചുവന്ന പാടുകള്‍, എന്നിവയാണ് ഇതിന്റെ പ്രാരംഭ ലക്ഷണങ്ങള്‍.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
