കൊച്ചി: മലയാളികളുടെ പ്രിയതാരം നസ്രിയ നസീം തെലുങ്കിലേക്ക്. യുവതാരം നാനിക്കൊപ്പമാണ് നസ്രിയയുടെ തെലുങ്ക് അരങ്ങേറ്റം. വിവേക് അത്രേയ സംവിധാനം ചെയ്യുന്ന ചിത്രത്തിലാണ് നാനിയും നസ്രിയയും ആദ്യമായി ഒന്നിക്കുന്നത്. മൈത്രി മൂവി മേക്കേര്‍സ് ആണ് നിര്‍മ്മാണം. നവംബര്‍ 21ന് ചിത്രത്തിന്റെ ടൈറ്റില്‍ പുറത്തു വിടും.
View this post on Instagram
ഈ ദീപാവലിക്ക് തെലുങ്ക് സിനിമാ കുടുംബത്തിലേക്ക് നമുക്ക് നസ്രിയയെ സ്വാഗതം ചെയ്യാം എന്ന് സംവിധായകന്‍ വിവേക് അത്രേയ ട്വിറ്ററില്‍ കുറിച്ചു. ഫഹദിനൊപ്പം ട്രാന്‍സ് എന്ന ചിത്രത്തിലാണ് നസ്രിയ ഒടുവില്‍ അഭിനയിച്ചത്. തമിഴില്‍ അറ്റ്ലി ഒരുക്കിയ രാജാ റാണി എന്ന ചിത്രത്തിലെ നസ്രിയയുടെ വേഷം ഏറെ ശ്രദ്ധിക്കപ്പെട്ടിരുന്നു. ആദ്യമായാണ് നടി തെലുങ്കില്‍ ചുവടു വെക്കുന്നത്.
Read also: ഐഎഫ്പി ഫെസ്‌റ്റിവലില്‍ ആദ്യമായി പുരസ്‌കാരം നേടി മലയാള ചിത്രം
