തിരുവനന്തപുരം: മുന് മുഖ്യമന്ത്രിയും കോണ്ഗ്രസ് നേതാവുമായ ഉമ്മന് ചാണ്ടിയെ യുഡിഎഫ് ചെയര്മാന് ആക്കാന് സാധ്യത. ഉമ്മന് ചാണ്ടിയെ യുഡിഎഫ് ചെയര്മാന് അല്ലെങ്കില് പ്രചരണ സമിതി അധ്യക്ഷനാക്കണമെന്നാണ് മിക്ക നേതാക്കളുടെയും ആവശ്യം. ഉമ്മന് ചാണ്ടിയും രമേശ് ചെന്നിത്തലയും ചേര്ന്ന് യുഡിഎഫിനെ നയിക്കണമെന്നും കോണ്ഗ്രസ് നേതൃത്വത്തിന് അഭിപ്രായമുണ്ട്.
ഘടകക്ഷികളുടെ ആവശ്യം കൂടി പരിഗണിച്ചാണ് എഐസിസിയുടെ നീക്കം. ഇതിന്റെ ഭാഗമായി എഐസിസി ജനറല് സെക്രട്ടറി താരിഖ് അന്വര് വീണ്ടും കേരളത്തിലെത്തും. ന്യൂനപക്ഷങ്ങള്ക്ക് ഇടയില് നഷ്ടപ്പെട്ട വിശ്വാസ്യത തിരിച്ച് പിടിക്കാനാണ് ശ്രമം.
തദ്ദേശ തെരഞ്ഞെടുപ്പിലെ പരാജയത്തെ തുടര്ന്ന് താരിഖ് അന്വര് കേരളത്തിലെത്തി കോണ്ഗ്രസ് നേതാക്കളുമായും മുതിര്ന്ന ഘടകകക്ഷി നേതാക്കളുമായും നേരത്തെ ചര്ച്ച നടത്തി റിപ്പോര്ട്ട് സോണിയാ ഗാന്ധിക്ക് സമര്പ്പിച്ചിരുന്നു.
Read also: പ്രശ്നങ്ങൾ ഉണ്ടായാലും പാർട്ടി വിടില്ല; തോമസ് കെ തോമസ്
