പ്രതിപക്ഷ നേതാവ് വിഡി സതീശൻ, ഡോ. എംപി അബ്‌ദുസമദ് സമദാനി എംപി, പി സുനീർ എംപി, തമിഴ്‌നാട് എംഎൽഎ ഹസൻ മൗലാന, പി നന്ദകുമാർ എംഎൽഎ ഉൾപ്പടെയുള്ള രാഷ്‌ട്രീയ, സാമൂഹിക, സാംസ്‌കാരിക രംഗത്തെ പ്രമുഖർ രണ്ടു ദിവസം നീണ്ടുനിൽക്കുന്ന സമ്മേളനത്തിൽ പങ്കെടുക്കും.
പൊന്നാനി: ‘ഒരുമയുടെ തോണിയിറക്കാം, സ്‌നേഹത്തിൻ തീരമണയാം’ എന്ന ശീർഷകത്തിൽ, പൊന്നാനി കൾച്ചറൽ വേൾഡ് ഫൗണ്ടേഷൻ (പിസിഡബ്ള്യുഎഫ്‌) 17ആം വാർഷിക സമ്മേളനവും 11ആം ഘട്ട സ്‌ത്രീധനരഹിത വിവാഹ സംഗമവും മാറഞ്ചേരിയിൽ നടക്കും.
സൽക്കാര ഓഡിറ്റോറിയത്തിൽ ജനുവരി 4, 5 തീയതികളിൽ (ശനി & ഞായർ) നടക്കുന്ന പരിപാടിയിലെ സമ്മേളനം ഡോ. എംപി അബ്‌ദുസമദ് സമദാനി എംപി ഉൽഘാടനം ചെയ്യും. അർഹരായ എട്ട് യുവതീ യുവാക്കൾക്ക് മംഗല്യത്തിന് അവസരം നൽകുന്ന 11ആം ഘട്ട സ്‌ത്രീധനരഹിത വിവാഹ സംഗമം പ്രതിപക്ഷ നേതാവ് വിഡി സതീശൻ ഉൽഘാടനം ചെയ്യും.
രജിസ്‌ട്രേഷൻ, സാംസ്‌കാരിക ഘോഷയാത്ര, പതാക ഉയർത്തൽ, ഉൽഘാടന സമ്മേളനം, പ്രതിനിധി സഭ, വനിതാ സംഗമം, സാംസ്‌കാരിക സദസ്, മാദ്ധ്യമ- സാഹിത്യ പുരസ്‌കാര സമർപ്പണം, പാനൂസ പരിഷ്‌കരിച്ച പതിപ്പ് വിതരണോൽഘാടനം, കലാപരിപാടികൾ, സംഗീതസന്ധ്യ ഉൾപ്പടെ വ്യത്യസ്‌തമായ പരിപാടികൾ വാർഷികത്തിന്റെ ഭാഗമായി നടക്കും.
പിസിഡബ്ള്യുഎഫ്‌ സെൻട്രൽ എക്‌സിക്യൂട്ടീവ് അംഗങ്ങൾ
രണ്ട് ദിവസങ്ങളിലായി നടക്കുന്ന പരിപാടിയിൽ പി സുനീർ എംപി, തമിഴ്‌നാട് എംഎൽഎ ഹസൻ മൗലാന, പി നന്ദകുമാർ എംഎൽഎ, പി ശ്രീരാമകൃഷ്‌ണൻ, എംകെ സക്കീർ, അഡ്വ. ഇ സിന്ധു, ശിവദാസ് ആറ്റുപുറം, കെജി ബാബു, ബീന ടീച്ചർ, ഷംസു കല്ലാട്ടയിൽ, എംഎ നജീബ്, സുബൈദ സിവി തുടങ്ങി സാമൂഹിക-സാംസ്‌കാരിക- രാഷ്‌ട്രീയ പ്രമുഖർ പങ്കെടുക്കുമെന്നും സംഘാടകർ അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
