ഉപയോക്താക്കൾക്ക് പ്രധാന മുന്നറിയിപ്പുമായി യുട്യൂബ്. തെറ്റിദ്ധരിപ്പിക്കുന്ന തരത്തിലുള്ള തലക്കെട്ടുകളും തമ്പ് നെയിലുകളും നൽകുന്ന വീഡിയോകൾ നീക്കം ചെയ്യുമെന്നാണ് യുട്യൂബിന്റെ മുന്നറിയിപ്പ്. വീഡിയോയിൽ അധികം പ്രാധാന്യം നൽകാത്ത വിവരങ്ങൾ തമ്പ്നെയിലുകളാക്കി ഉപയോഗിക്കുന്നവർക്കെതിരെ കർശന നടപടികൾ എടുക്കുമെന്നും യുട്യൂബ് ബ്ളോഗ് പോസ്റ്റിൽ അറിയിച്ചു.
ബ്രേക്കിങ് ന്യൂസ് അല്ലെങ്കിൽ സമകാലിക സംഭവങ്ങളുമായി ബന്ധപ്പെട്ട വിഷയങ്ങൾ ഉൾക്കൊള്ളുന്ന യുട്യൂബ് വീഡിയോകൾ സ്കാനറിന് കീഴിൽ വരുമെന്ന് പ്ളാറ്റ്ഫോം അറിയിച്ചു. അതായത്, ഇത്തരം വീഡിയോകൾ കാണണമെന്ന് ആഗ്രഹിച്ച് വരുന്നവർക്ക് ആ ഉള്ളടക്കം തന്നെയായിരിക്കണം ലഭ്യമാക്കേണ്ടതെന്ന് യുട്യൂബ് പറയുന്നു.
നയത്തിലെ മാറ്റങ്ങളുമായി പൊരുത്തപ്പെടാൻ ഉപയോക്താക്കൾക്ക് സമയം നൽകുന്നതിനായി ചാനലിനെതിരെ ആദ്യഘട്ടത്തിൽ സ്ട്രൈക്ക് പുറപ്പെടുവിക്കില്ലെന്നും യുട്യൂബ് പറഞ്ഞു. അതേസമയം, ഉപയോക്താക്കൾക്ക് അവരുടെ ഉള്ളടക്കം നീക്കം ചെയ്യുന്നതിനും അത് പുനഃസ്ഥാപിക്കുന്നതിനും അപ്പീൽ നൽകുന്നതിനുമൊക്കെയായി എന്ത് നടപടികളാണ് സ്വീകരിക്കേണ്ടതെന്ന് യുട്യൂബ് വ്യക്തമായി വിശദീകരിച്ചിട്ടില്ല.
Most Read| കാൻസർ പ്രതിരോധ വാക്സിൻ വികസിപ്പിച്ച് റഷ്യ; ഉടൻ വിപണിയിൽ
