സ്കൂള് അധ്യാപികയും ഖൊ-ഖൊ പരിശീലകയുമായി രജിഷ വിജയന് എത്തുന്ന സ്പോർട്സ് ഡ്രാമ ചിത്രത്തിന്റെ ടീസർ പുറത്തുവിട്ടു. രാഹുല് റിജി നായര് സംവിധാനം ചെയ്തിരിക്കുന്ന ചിത്രത്തിന് ‘ഖൊ-ഖൊ‘ എന്നു തന്നെയാണ് പേരിട്ടിരിക്കുന്നത്. 45 സെക്കന്റ് ദൈർഘ്യമുള്ള ടീസറാണ് പുറത്തുവിട്ടത്. ഫൈനൽസിന് ശേഷം രജിഷ വിജയൻ അഭിനയിക്കുന്ന സ്പോര്ട്സ് ചിത്രം കൂടിയാണിത്.
2017ല് ‘ഒറ്റമുറി വെളിച്ചം’ എന്ന ചിത്രത്തിലൂടെ മികച്ച ചിത്രത്തിനുള്ള സംസ്ഥാന പുരസ്കാരം നേടിയ സംവിധായകനാണ് രാഹുൽ റിജി നായർ. സംവിധായകന് തന്നെ രചനയും നിര്വഹിക്കുന്ന ചിത്രത്തിന്റെ നിര്മാണം ഫസ്റ്റ് പ്രിന്റ് സ്റ്റുഡിയോസാണ്. രജിഷക്കൊപ്പം മമിത ബൈജു, വെങ്കിടേഷ് വിപി, രഞ്ജിത്ത് ശേഖര് നായര് തുടങ്ങിയവരും പ്രധാന വേഷങ്ങളില് എത്തുന്നു.
Read Also: ഷാജി കൈലാസിന്റെ ‘കടുവ’യാകാൻ പൃഥ്വി; ഷൂട്ടിംഗ് മാർച്ച് അവസാനം തുടങ്ങും
